Kʼusitik lek kʼotem ta pasel ta cholmantal

¡Toj lek tsuts li kabteltik ti lik ta septiembre yuʼun 2010 kʼalal ta agosto yuʼun 2011 li ta México xchiʼuk ta Centroamericae! Epaj li jcholmantaletike, kʼot ta 896,879. Jaʼ xkaltik epaj 4%. Jech xtok, li ta Mexicoe kʼot ta 100,698 li prekursor regularetike, li kʼuyepal taje mu toʼox bu jech kʼotem ta pasel. Ta melel, jaʼutik jun jteklum ti ta «jpastic cʼusi leque» (Tito 2:14).