Aʼyejetik

◼ Vunetik ta xichʼ akʼel ta fevrero: Ti kʼuyelan ta tael muyubajel ta utsʼ-alalile. Marso: livro Chchanubtasvan. Akʼo persa slikesel chanubtaseletik ta Vivlia li ta sba velta vulaʼale. Mi oy xa slivro li krixchanoe, pe mu skʼan xchʼam junuk chanubtasele, akʼbo jlikuk revista ti mas pokoʼik jutuke o junuk foyeto ti chkʼot ta yoʼontone. Avril: ¡Despertad! xchiʼuk Li Jkʼel osil ta toyole. Mi kʼot ta yoʼonton mantal li krixchanoe akʼbo li tratado Li kʼusi melele xchiʼuk akʼbo yipal slikesel jun chanubtasel ta Vivlia. Kʼalal chbat avulaʼan li buchʼutik ayik ta Snaʼobil slajel Cristo o ta yan tsobajeletik ti tsotsik skʼoplal ti maʼukik to yajrextiko Jeovae, akʼbo yipal slikesel junuk chanubtasel ta Vivlia xchiʼuk li livro Chchanubtasvane. Mayo: foyeto Cha vamikoin xchiʼuk Li Vivliae, ¿kʼusitik chalbe skʼoplal?

◼ Li mantal ti tsots skʼoplal chichʼ alel ta yorail Snaʼobil slajel Cristo ta sjabilal 2012 jaʼ sbi: «¿Mi mas xa van jutuk skʼan kʼuchaʼal chanope?».

◼ Mi anopoj chabat ta yan balumil ti muʼyuk te chal li ta mas achʼ to yaʼyejal abtelal ta spʼejel balumil yuʼun yajrextikotak Jeovae o muʼyuk chal bu xkom li ta Anuario mas achʼe, xa-abolaj xakʼopoj batel li ta Betel ti bu alumale sventa chajakʼ mi oy kʼusi skʼan xakʼel aba mi la bate o mi oy mantaletik ti skʼan xatsak ta mukʼe. Yuʼun xuʼ oy kʼusitik mu stakʼ pasel ta sventa li Ajvalilal yuʼun Dios li ta lum taje (Mat. 10:16). Bateltike, li jvulaʼaletike jaʼ mas lek ti mu saʼik yajrextiko Jeova o tsobobbail li ta lum taje. Jech xtok, li Betele chal yan mantaletik mi xuʼ xichʼ ichʼel batel vunetik o mi xuʼ xichʼ cholel mantal ta buyuk noʼox. Mi chachʼun li mantaletike, jech me chakolta aba sventa mu kʼusi chopol xkʼot ta pasel ta atojolal o ta stojolal li abtelal sventa Ajvalilal yuʼun Dios li ta lum bu chbat avulaʼane (1 Cor. 14:33, 40).

◼ Li ta xemanail 16 yuʼun avril ta 2012, li ta Xchanel Vivlia ta Tsobobbaile chlik yichʼ chanel li foyeto Li Vivliae ¿kʼusitik chalbe skʼoplal? Mi laj yichʼ chanel li foyeto taje jaʼ xa chichʼ chanel li livro Chchanubtasvane. Mi chʼabal yuʼun li tsobobbailetik li vunetik taje, akʼo stakik ta kʼanel ta ora.