Aʼyejetik

◼ Vunetik ta xichʼ akʼel ta mayo: foyeto Cha vamikoin xchiʼuk Li Vivliae, ¿kʼusitik chalbe skʼoplal? Junio: livro Chchanubtasvan. Akʼo persa slikesel chanubtaseletik ta Vivlia li ta sba velta vulaʼale. Mi oy xa slivro li krixchanoe, pe mu skʼan xchʼam chanubtasele, akʼbo jlikuk revista ti mas pokoʼik jutuke o foyeto ti chkʼot ta yoʼontone. Julio xchiʼuk agosto: foyeto Cha vamikoin xchiʼuk Li Vivliae, ¿kʼusitik chalbe skʼoplal? Kʼalal chbat achaʼvulaʼan li krixchanoetike, akʼbo li livro Chchanubtasvane, o moʼoje jaʼ ti kʼusi mas chtun yuʼun chavile, xuʼ van jaʼ li foyeto Chikintao kʼusi chal Dios o Chikintao kʼusi chal Dios sventa chakuxi sbatel osil, akʼbo yipal slikesel junuk chanubtasel ta Vivlia.

◼ Jaʼ jun muyubajel chavichʼik albel ti chlik xa lokʼuk ta náhuatl kʼop (sventa norte de Puebla) li revista Li Jkʼel osil ta toyole, chlik lokʼuk sventa li 1 yuʼun junioe. Chichʼ talel mantaletik sventa chichʼ chanel ta tsobobbail xchiʼuk junantik sventa skotol krixchanoetik. Jech oxal xuʼ xichʼ akʼel komel ta cholmantal.

◼ Li jun achʼ mantal ti jaʼ sbi: «Kʼusitik chlik jchan ta Vivlia» ti jaʼ sventa jmoj xchan xchiʼuk yalab xnichʼnabik ti oxib to sjabilalik o mu sta li totil meʼiletike, jaʼ to chlik lokʼuk ta revista julio-septiembre sventa skotol krixchanoetik. Mu xa jechuk yorail chlokʼ ti kʼuyelan laj yal li Kabteltik sventa Dios ta enero ta 2012.