Jun skʼelobil sventa krixchanoetik ti kʼusuk noʼox sjabilalike
Toj lek laj yil sbaik xchiʼuk Jeova, laj yakʼ xkuxlejal ta spasel li kʼusi tskʼan yoʼonton Diose. Jaʼ jech, «xanav xchiʼuk li melel Diose», jaʼ yuʼun laj yichʼ akʼbel smoton. Taje jaʼ li Noee, jun lekil vinik, jaʼ yuʼun skʼan jchanbetik manchuk mi kerem tsebutik o mukʼtik krixchanoutik (Gén. 6:9, TNM). Oy jun video ti jaʼ sbi: Noe xanav xchiʼuk Dios, taje tskoltautik sventa jnoptik kʼuyelan toʼox li xkuxlejale, kʼusi la spas sventa stabe sbendision li Jeovae xchiʼuk ti kʼuyelan xuʼ jchanbetik li stalelale.
Kʼalal mi la akʼelik li videoe, kʼelik mi xtakʼ avuʼunik li sjakʼobiltak ti te yichʼoj tale: 1) ¿Kʼusi toj chopol la spasik li junantik anjeletike xchiʼuk buchʼutik jaʼ li nefilime? (Gén. 6:1, 2, 4.) 2) ¿Kʼu yuʼun sok tajek li krixchanoetike xchiʼuk kʼu yelan laj yil li Diose? (Gén. 6:4-6.) 3) ¿Kʼuxi mu xkoʼolaj ta yan krixchanoetik li Noee? (Gén. 6:22.) 4) ¿Kʼuxi laj yichʼ akʼbel slajeb li chopol krixchanoetike? (Gén. 6:17.) 5) ¿Kʼu toʼox smukʼul li arkae? (Gén. 6:15.) 6) ¿Kʼusi to yan la spas li Noee xchiʼuk kʼu yelan laj yaʼiik li krixchanoetike? (Mat. 24:38, 39; 2 Ped. 2:5.) 7) Li ta jujutos chonetike, ¿jayjaykot laj yichʼ tikʼel ochel li ta arkae? (Gén. 7:2, 3, 8, 9.) 8) ¿Jayib kʼakʼal laj yakʼ voʼ xchiʼuk jayib kʼakʼal nojem kom ta voʼ spʼejel li Balumile? (Gén. 7:11, 12; 8:3, 4.) 9) ¿Kʼu yuʼun kolik li Noé xchiʼuk yutsʼ yalale? (Gén. 6: 18, 22; 7: 5.) 10) ¿Bu kajal kʼot li arkae? (Gén. 8:4.) 11) ¿Kʼuxi la snaʼ ti xuʼ xa xlokʼik ta arka li Noee? (Gén. 8:6-12.) 12) ¿Kʼusi la spas Noé kʼalal lokʼ ta arkae? (Gén. 8:20-22.) 13) ¿Kʼusi skʼelobil li vaknakʼobale? (Gén. 9:8-16.) 14) ¿Kʼusi skʼan xal ti chijxanav xchiʼuk Diose? (Gén. 6:9, TNM; 6:22; 7:5.) 15) Mi ta jkʼan ta jkʼeltik li Noé ta Paraisoe, ¿kʼusi skʼan jpastik? (Mat. 28:19, 20; 1 Ped. 2:21.)
Sventa chijxanav xchiʼuk Dios xchiʼuk ti jpat koʼontontik ti oy sjuʼel sventa tskolta li yajtuneltak avie, ¿kʼu yelan xuʼ skoltautik li loʼil ta Vivlia ta sventa li Noé ti tukʼ xchiʼuk jchʼunej mantale? (Gén. 7:1; Prov. 10:16; Heb. 11:7; 2 Ped. 2: 9.)