Kʼusitik lek kʼotem ta pasel ta cholmantal

Li ta 11 kʼalal ta 13 yuʼun enero li jabil liʼe, li ta Costa Ricae echʼ jun mukʼta tsobajel te ta Estadio Nacional ta San José. La stsob sbaik 27,321 xchiʼuk 368 laj yichʼik voʼ. Ayik 1,705 ermanoetik ti likemik ta Colombia, Ecuador, Estados Unidos xchiʼuk ta México. Li ta tsobajele, li ermano Gerrit Lösch xchiʼuk Mark Sanderson ti jaʼik li ta Jtsop Jbeiltasvaneje, la spat tajek oʼontonal li mantal la sjelubtasik ta jujun kʼakʼale. Taje jaʼ tsvules ta joltik li kʼusi tsʼibabil ta Salmo 133:1 ti xi chale: «Qʼuelavilic, toj lec, toj jun yutsil cʼalal lec coʼol coʼntontic ti cutsʼ calal jbatique».