Svulesobil ta joltik li kʼusi jchanojtik ta Chanob vun sventa Kabteltik yuʼun Diose
Li sjakʼobiltak liʼe ta xichʼ alel ta tsobajel yuʼun Chanob vun sventa Kabteltik yuʼun Dios ta xemanail 24 yuʼun fevrero ta 2014.
¿Kʼusi laj yakʼ ayanuk ta yoʼonton Eva li Satanase, xchiʼuk kʼusi laj yakʼ ta ilel kʼalaluk la sloʼ li sat teʼe? (Gén. 3:6.) [6 yuʼun ene., w11 15/5 paj. 16 par. 5.]
¿Kʼuxi van chʼi xchʼunel yoʼonton li Abele, xchiʼuk kʼusi kot ta pasel ta skoj taje? (Gén. 4:4, 5; Heb. 11:4.) [6 yuʼun ene., w13 1/1 paj. 12 par. 3; paj. 14 par. 4, 5.]
¿Kʼusi xuʼ spasik li totil meʼiletik sventa mu labaluk sba xil yalab xnichʼnabik li «tsatsal cristianoetic» xchiʼuk li buchʼutik «puquem scʼoplalic» li ta balumile? (Gén. 6:4.) [13 yuʼun ene., w13 1/4 paj. 13 par. 2.]
¿Buchʼu jaʼ toʼox li Nimrode, xchiʼuk kʼusi muʼyuk lek kʼot ta pasel yuʼun? (Gén. 10:9, TNM; 10:10.) [13 yuʼun ene., w13 15/2 paj. 7 par. 19, 20.]
Kʼalal jelbat skʼopik li ta Babele, ¿kʼuxi xuʼ jnatik ti lek xcholet chkʼopojik jech kʼuchaʼal li sbatsʼikʼopik ta voʼnee? (Gén. 11:6-9.) [20 yuʼun ene., w13 1/9 paj. 12 par. 2.]
¿Kʼu yuʼun chkichʼtik-o ta mukʼ Dios kʼalal lek ta jmeltsan jbatik batel li ta tsobajeletike? (Gén. 18:25.) [27 yuʼun ene., jl xchanobil 8 par. 2.]
Kʼalal lek noʼox smelolal chalbe smalal li kʼusi tsnop li antse, ¿kʼu yuʼun muʼyuk bu chopol? (Gén. 21:9-12.) [3 yuʼun fev., bh paj. 138 par. 12.]
¿Kʼu yuʼun la xchapan lek Dios li jteklum Israel ta voʼnee? (Gén. 22:18.) [3 yuʼun fev., fg paj. 28 par. 1.]
¿Kʼusi xuʼ jchantik li kʼusi takʼbat yuʼun jun anjel li Jacob ti te ta jtatik ta Génesis 32:29? [24 yuʼun fev., w13 1/8 paj. 10.]
¿Kʼu yuʼun la snuptan vokolil li Dinae xchiʼuk kʼusi kʼot ta pasel ta skoj taje? (Gén. 34:1, 2.) [24 yuʼun fev., my loʼil 20 par. 3-6.]