Kʼusitik lek kʼotem ta pasel ta cholmantal

Ximuyubaj chkalbotkutik ti ep kʼusitik lek kʼot ta pasel li ta abtelal laj yichʼ pasel ta 1 yuʼun septiembre ta 2012 kʼalal ta 31 yuʼun agosto ta 2013 li ta yosilal cholmantal ti oy ta sba skʼelel li Betel ta Mexicoe: ti kʼu xa yepal jcholmantaletike jaʼ 981,903, epaj 4,8%, ti kʼu xa yepal prekursor regularetike jaʼ 148,274 xchiʼuk ti kʼu xa yepal chichʼ akʼel chanubtaseletik ta Vivliae jaʼ 1,355,994. Ti vaʼ yepal epaje jaʼ svinajeb ti ta sjunul koʼontontik ta jpastik li kʼusi laj yal komel Jesús liʼe: «Batanic me; bat pasic ta jchʼunolajel cuʼun li cristianoetic ta jujun banamile» (Mat. 28:​19).