Kʼusitik lek kʼotem ta pasel ta cholmantal

Li jpajinatik ta Internet jw.org jaʼ jun abtejebal ti toj jtunel sventa xkʼot «ta sbejel banamil li Lequil Aʼyej» kʼalal jutuk xa skʼan xtal li slajebal kʼakʼale (Mat. 24:14). Jtos li kʼusi toj jtunel li ta jpajinatike, jaʼ ti bu chal: «Kʼano chanubtasel ta Vivlia». Jaʼ jun muyubajel chkalbotkutik ti ep buchʼutik tskʼanik chanubtasel ta Vivlia jujun u li ta yosilal cholmantal ti oy ta sba skʼelel li Betele. Jech kʼuchaʼal liʼe, li ta yuilal noʼox marsoe 2,259 krixchanoetik la skʼanik ti akʼo xvulaʼanatik yuʼun junuk stestigo Jeovae, taje jaʼ skʼan xal ti te van 75 solisitud kʼot jujun kʼakʼal li ta Betele. Taje tstij koʼontontik sventa xkakʼtik ta ojtikinel li jpajinatik ta Internet jw.org sventa xojtikinik Jeova xchiʼuk staik kuxlejal sbatel osil epal krixchanoetik (Juan 17:3).