Kʼusitik lek kʼotem ta pasel ta cholmantal

Xamuyubajik van ti chanaʼik ti laj yichʼ pasel jun asamblea internasional ta México li ta 31 yuʼun oktuvre kʼalal ta 2 yuʼun noviembre ta 2014. Ti jayvoʼ likik tal ta yan lume jaʼ 3,026, likemik tal ta Belice, Colombia, Costa Rica, Estados Unidos, El Salvador, Guatemala, Honduras, Italia, Jamaica, Nicaragua xchiʼuk Panamá. Li ta domingoe la stsob sbaik 19,656 li ta asambleae. Akʼo mi jech, laj yichʼ jelubtasel batel junantik mantal ta Internet ta 55 yantik asambleaetik, ta skotolale la stsob sbaik 306,004. Li oxib kʼakʼal asamblea echʼe toj labal sba ta kʼelel ti jmoj tsobol la skʼupinik mantal xchiʼuk ti jmoj la xchiʼin sbaik ta loʼil li ermanoetik ti jelajtik slumalik bu likemik tale.