Kʼusitik lek kʼotem ta pasel ta cholmantal

Li ta avrile laj yichʼik albel li jkʼelvanejetik ta sirkuito ti bu xa jotukal chbat tunikuk li ta 1 yuʼun septiembre ta 2015. Li ta yosilal cholmantal ti oy ta sba skʼelel li Betel ta Centroamericae ta xichʼik jelbel yavilik 777 sirkuitoetik, taje te tsakal skʼoplal 35 ta voʼ ti jaʼ to laj yichʼik biiltasel ti kʼu sjalil jelavem talel li kabteltik sventa 2015. Li kermanotaktik taje xchiʼuk li yajnilike solel tsots ch-abtejik xchiʼuk mu junuk yavil bu oyik, ta skoj taje sta-o ti jtojbetik ta vokole. Li jkʼelvanejetik ta sirkuitoe chchanbeik li Pablo xchiʼuk Bernabe, ti solel jal la xchiʼinik ta xcholel mantal li ermanoetik sventa «chakʼik ta chanel xchiʼuk chalik li lekil aʼyejetik ta skʼop Jeovae» (Ech. 15:35).