La spakbe skʼoplal steklumal Dios li Estere

Tsots xchiʼuk labal sba xchʼunel yoʼonton la spakbe skʼoplal steklumal Dios li Estere

• Mi jech noʼox bat ta stojolal ajvalil ti muʼyuk takbil ta ikʼel li Estere, xuʼ ox xakʼ ta vokol li xkuxlejale, yuʼun oy xaʼox 30 kʼakʼal ti muʼyuk takbil ta ikʼele.

• Li ajvalil Asueroe (ti xuʼ van jaʼ li Jerjes I), toj echʼ noʼox xkap sjol. Jun veltae, laj yal mantal ti xtuchʼik ta oʼlol jun vinike, vaʼun laj yakʼik ta ilel ta stojolal krixchanoetik sventa xiʼik. Ta skoj noʼox ti la stoy sba li Vastie, lokʼesat li ta meʼ ajvalilale.

• Li Estere persa skʼan xalbe ajvalil ti jaʼ juda ants li stuke xchiʼuk ti xakʼbe xchʼun ti loʼlaat yuʼun li yajtojobtasvanej ti lek spatoj yoʼonton ta stojolale.