Li tukʼil Jobe chakʼ ta ilel li kʼusi chil-o svokole

Li Jobe povre tajek kom, tsots ipaj xchiʼuk cham xnichʼnab, pe tukʼ-o laj yakʼ sba. Jaʼ yuʼun li Satanase tskʼan ox ti mu tukʼuk xakʼ sba ta stojolal Dios li Jobe, jaʼ yuʼun mas to la xchibajesbe yoʼonton. Kʼotik oxvoʼ yamigotak ta alel ti chat tajek yoʼontonik ta stojolal li Jobe, vukub kʼakʼal jecheʼ te tsʼijil chotolik xchiʼuk ti muʼyuk bu tspatbeik yoʼontone. Vaʼun oy kʼusi laj yalbeik ti toj kʼuxik chkʼot ta oʼontonale.

Li Jobe tukʼ-o laj yakʼ sba ta stojolal Jeova akʼo mi la snuptan tsatsal prevaetik

6:3; 7:16; 9:20-22; 10:1, 12

• Li Jobe toj tsots laj yil prevaetik jaʼ yuʼun muʼyuk xa lek kʼusi la snop. Jech kʼuchaʼal liʼe, la snop ti Jeovae mu sventauk mi chchʼunbat smantal o mi muʼyuk.

• Ta skoj ti mu xa snaʼ kʼusi tspase muʼyuk la snop ti oy yan srasonal ti kʼu yuʼun chil svokole.

• Akʼo mi chat tajek yoʼonton li Jobe, laj yalanbe li buchʼutik tikʼbat smul ti skʼanoj tajek li Jeovae.