KʼUSITIK KʼUPIL SBA TA VIVLIA | SALMOS 11-18
¿Buchʼu xuʼ chnaki li ta xchʼulna Jeovae?
Kʼalal chijnaki te ta xchʼulna Jeovae, jaʼ skʼan xal ti chkamigointik, ti jpat koʼontontik ta stojolale xchiʼuk ti jchʼunbetik smantale. Li Salmo 15 chal ti kʼusi stalelal tsabe Jeova li jun krixchano sventa xkʼot ta yamigoe.
XUʼ CHNAKI TA XCHʼULNA JEOVA LI BUCHʼU....
... mu snaʼ sjut kʼope.
... melel snaʼ xkʼopoje xchiʼuk ti ta yoʼontonuk chlokʼe.
... chichʼ ta mukʼ li yajtuneltak Jeovae.
... chkʼot ta pasel yuʼun li kʼusi chale, akʼo mi mu kʼunuk chaʼi.
... tskoltaan li buchʼutik chtun yuʼun koltaele, pe ti muʼyuk tskʼan pakbel sutele.
LI BUCHʼU CHNAKI TA XCHʼULNA JEOVAE MU STAKʼ...
... sjut mulil xchiʼuk ti xal batel li kʼusi mu meleluke.
... xilbajin li xchiʼile.
... lek xa chaʼi tskʼanbe o tspasbe kʼusiuk li yermanotake.
... xamigoin li buchʼutik muʼyuk chtunik ta stojolal Jeova xchiʼuk ti mu xchʼunbeik smantale.
... xchon sba ta takʼin.