KʼUSITIK KʼUPIL SBA TA VIVLIA | SALMOS 74-78
Teuk me ta ajol li kʼusitik spasoj Jeovae
Skʼan me lek jnopbetik skʼoplal li spasbentak Jeovae
Kʼalal ta jnopbetik skʼoplal li kʼusi ta jchantik ta skʼop Diose, jaʼ me tskoltautik ta yaʼibel smelolal xchiʼuk ti oyuk sbalil xkiltik li kʼusitik ta mantale.
Kʼalal ta jchʼakbetik yorail snopbel skʼoplal li kʼusitik spasoj Jeovae, jaʼ me tskoltautik sventa jkʼupintik li spasbentake xchiʼuk li kʼusi jmalaojtik chakʼbutik ta tsakale.
Spasbentak Jeova
Spasbentak:
Kʼalal mas ta jchanbetik skʼoplal li kʼusitik spasojane, mas to me toj labal sba chkiltik li Jeovae.
Li buchʼutik yichʼoj yabtelik ta tsobobbaile:
Skʼan me jchʼunbetik li buchʼutik akʼbil yabtelik yuʼun Jeovae.
Li kʼusitik spasoj Jeova sventa chpojvane:
Kʼalal ta jvules ta joltik ti kʼuxi pojvanem talel li Jeovae, tstsatsubtas li kʼu yelan jpatoj koʼontontik ta stojolal ti oy ta yoʼonton xchiʼuk ti xuʼ yuʼun chchabi li yajtuneltake.