Koltao li avalab anichʼnab sventa tsotsuk xchʼunel yoʼonton ta stojolal li Jpasvaneje

Li kʼusitik pasbile, te chvinaj ti toj labal sba li Jpasvaneje (Sl 19:1-4; 139:14). Li kʼusitik oy ta sbalumil Satanase chakʼ ta chanel li kʼusi mu meleluk ta sventa ti kʼu yelan likem talel li kuxlejale, ti chchopol kʼoptaik-o li Diose (Ro 1:18-25). ¿Kʼusi stakʼ xapas sventa mu x-och ta yoʼonton xchiʼuk ta snopben li avalab anichʼnab li jecheʼ chanubtasel taje? Ta sbikʼtal noʼox xakolta sventa xchʼunik ti oy ta melel li Jeovae xchiʼuk ti kʼanbilik yuʼune (2Ko 10:4, 5; Ef 6:16). Sventa xkʼot ta yoʼontone tuneso li koltael oy kuʼuntike xchiʼuk kʼelo li kʼusi tsnopik ta sventa li kʼusi chchanik ta eskuelae (Pr 20:5; Snt 1:19).

MI LAJ AKʼELIK LI VIDEO LI KʼUSI TSNOP KEREM TSEBETIK: TA SVENTA LI XCHʼUNEL DIOSE, TAKʼIK LI SJAKʼOBILTAK LIʼE:

• ¿Kʼusi nopem xaʼi chalik li krixchanoetik ta sventa li xchʼunel Diose?

• ¿Kʼusi chakʼik ta chanel li ta eskuelae?

• ¿Kʼu yuʼun achʼunoj ti oy ta melel li Jeovae?

• ¿Kʼuxi xuʼ xakolta yantik sventa xchʼunik ti jaʼ la spas skotol kʼusitik oy li Diose?