KʼUSITIK KʼUPIL SBA TA VIVLIA | JUAN 5, 6
Tsʼakli-o batel Jesus ta skoj ti akʼanoj li mantale
Kʼalal oy kʼusi laj yal Jesus ti vokol laj yaʼibeik smelolal li buchʼutik tstsʼakliik batele, junantike chopol laj yaʼiik xchiʼuk li yantike muʼyuk xa bu la stsʼakliik batel. Jun toʼox kʼakʼal yechʼel ti la smakʼlin ta skʼelobil juʼelal krixchanoetik li Jesuse, ti jaʼ te laj yakʼ ta ilel ti likem tal ta stojolal Dios li sjuʼele. Jaʼ yuʼun chaʼa, ¿kʼu yuʼun ti la skomtsanik li Jesuse? Yuʼun ta kʼelele, jaʼ noʼox tstsʼakliik Jesus yoʼ jaʼuk saʼik li kʼusi tskʼan stukike xchiʼuk tskʼanik ti x-akʼbatik li kʼusi chtun yuʼunike.
Xi xajakʼbe abae: «¿Kʼu yuʼun ta jtsʼakli batel li Jesuse? ¿Mi jaʼ ta skoj ti chakʼbun bendision li avie xchiʼuk li ta jelavele? ¿O mi jaʼ ta skoj ti jkʼanoj li Jeova xchiʼuk ti ta jkʼan ti lekuk xilune?».
¿Kʼu yuʼun xuʼ xijnamaj ta stojolal Jeova mi jaʼ noʼox chijtun ta stojolal...
... ta skoj ti ta jkʼan ta jchiʼintik li ermanoetike?
... ta skoj ti ta jkʼan chijkuxi ta paraisoe?