Li kʼanelale jaʼ chakʼ ta ojtikinel li melel yajtsʼaklomtak Kristoe: Muyubajkutik-o yuʼun li kʼusi melele

¿KʼU YUʼUN TSOTS SKʼOPLAL? Jech kʼuchaʼal la spas li Jesuse, skʼan jcholtik batel li kʼusi tskʼan ta melel li Diose (Jn 18:37). Akʼo mi kuxulutik ta jun balumil ti noj ta jut kʼop xchiʼuk ta kʼusitik muʼyuk tukʼe, skʼan me jaʼuk xijmuyubaj-o yuʼun li kʼusi melele, kaltik li kʼusi melele xchiʼuk jaʼuk jnoptik li kʼusitik melele (1Ko 13:6; Flp 4:8).

¿KʼUXI TA PASEL?

• Mu jchikintatik xchiʼuk mu jpuktik batel li jecheʼ loʼiletike (1Te 4:11).

• Mu jaʼuk xijmuyubaj-o li kʼusi chopol chkʼot ta stojolal yantike.

• Jaʼuk jnoptik li kʼusitik lekike xchiʼuk li kʼusi tspat oʼontonale.

MI LAJ AKʼELIK LI VIDEO JKʼAN JBATIK TA KOMON: LI KʼANELALE MUʼYUK XKUXET-O YOʼONTON LI KʼUSI MUʼYUK TUKʼE, JAʼ XKUXET-O YOʼONTON LI KʼUSI MELELE, TAKʼIK LI SJAKʼOBILTAK LIʼE:

• ¿Kʼu yuʼun xuʼ xkaltik ti jaʼ lek chaʼi Luci «li kʼusi muʼyuk tukʼe»?

• ¿Kʼusi la spas Alicia sventa sjel li kʼusi tsloʼiltaike xchiʼuk ti jaʼuk xalik li kʼusi lekike?

• ¿Kʼusitik ti mas lek xuʼ jloʼiltatike?