KʼUSITIK KʼUPIL SBA TA VIVLIA | ECHOS 23, 24
Laj yichʼ tikʼbel smul ti jaʼ la tslikes vokolil xchiʼuk toybaile
Junantik judaetik ta Jerusalene laj yalik ta jamal ti tsmilik li Pabloe xchiʼuk laj yalbe sbaik ti oyuk la kʼusi chopol xkʼot ta pasel ta stojolalik mi muʼyuk bu xkʼot ta pasel yuʼunike (Ech 23:12). Pe akʼo mi jech, li Jeovae tskʼan ti xbat xchol mantal ta Roma li Pabloe (Ech 23:11). Kʼalal laj yaʼi li kʼusi laj yal judaetik li xjunichʼon Pabloe bat yalbe li soltaroetike, jaʼ yuʼun muʼyuk laj yichʼ milel li Pabloe (Ech 23:16). ¿Kʼusi chakʼ jchantik li loʼil ta sventa...
... li kʼusi chkʼot ta pasel kʼalal oy buchʼu mu skʼan xkʼot ta pasel li kʼusi tskʼan Diose?
... li kʼusitik xuʼ stunes Dios sventa skoltautike?
... ti tsots skʼoplal skʼan tsotsuk koʼontontike?