KʼUSITIK KʼUPIL SBA TA VIVLIA | 2 KORINTIOS 4-6
Muʼyuk chijlubtsaj
Nopo avaʼi ti oy chaʼvoʼ utsʼ alalil ti te nakalik ta jpʼej na ti pokoʼ xa tajeke xchiʼuk ti muʼyuk xa leke. Li jun utsʼ alalile solel mu xa snaʼ kʼusi tspasik, pe li yan utsʼ alalile solel xmuyubajik noʼox tajek. Pe ¿kʼu yuʼun? Yuʼun jutuk xa skʼan xbat nakiikuk ta jpʼej na ti kʼupil sba tajeke xchiʼuk ti jaʼ to meltsaje.
Akʼo mi «jmoj oy kʼusi kʼux chaʼi-o ta yoʼontonik li kʼusitik pasbile, xchiʼuk ti jmoj oy-o svokolik kʼalal to avi kʼakʼale». Li voʼotik ti chijtun ta stojolal Jeovae oy spatobil koʼontontik ti jaʼ tskoltautik sventa xkuch batel kuʼuntike (Ro 8:22). Li vokoliletik ta jnuptantik li avie o mi oy xa kʼuuk sjalil yakal ta jnuptantik tale, jnaʼojtik lek ti jlikel noʼox xchiʼuk muʼyuk tsots kʼalal ta jnopbetik skʼoplal li bendisionetik chtal ta tsʼakal ti chakʼbutik Diose. Mi jaʼ chkakʼ ta koʼontontik li kʼusitik tspas ta jelavel li Ajvalilal yuʼun Diose ta me skoltautik sventa xijmuyubaj noʼox xchiʼuk ti mu xijlubtsaje.