KʼUSITIK KʼUPIL SBA TA VIVLIA | FILIPENSES 1-4
«Mu me kʼusi xavul-o avoʼontonik jsetʼuk»
Li orasione jaʼ me tskoltautik kʼalal ta jvul koʼontontike.
Mi oy xchʼunel koʼontontik kʼalal ta jpastik orasione, li Jeovae ta me xakʼbutik li jun oʼontonal «ti toj echʼ xa noʼox leke».
Akʼo mi muʼyuk xa kʼusi stakʼ pasel yaʼeluk kʼalal chkil jvokoltike, li Jeovae xuʼ me skoltautik sventa stsʼik batel kuʼuntik xchiʼuk oy kʼusitik xuʼ spas ti muʼyuk jech jmalaojtike (1Ko 10:13).