LI JKUXLEJALTIKE
Mu me jchanbetik stalelal li krixchanoetik ta sventa li skʼinal nupunele
Li jun yajtsʼaklom Kristoe ep kʼusitik skʼan snop kʼalal tsnopbeik skʼoplal li skʼinal snupunelike. Yikʼaluk van tskʼan jech tspasik jech kʼuchaʼal junantik krixchanoetik ti bu tslajesik epal takʼine. Xuʼ van x-albatik yuʼun yamigotakik o yutsʼ yalalik ti kʼu yelan skʼan spas li skʼinal snupunelike. Pe sventa sakuk noʼox li sjol yoʼontonike xchiʼuk ti xmuyubajikuk noʼox kʼalal tsvules ta sjolik li skʼinal snupunelike, ¿kʼusi beiltasel ta Vivlia xuʼ stsakik ta venta yoʼ lek xchapanike?
MI LA AKʼELIK LI VIDEO JAʼUK SVENTA YICHʼOBIL TA MUKʼ JEOVA TI KʼU YELAN CHICHʼ PASEL LI NUPUNELE, TAKʼIK LI SJAKʼOBILTAK LIʼE:
¿Kʼuxi koltaatik-o li Nick xchiʼuk Juliana li beiltaseletik ta Vivlia liʼe?
¿Kʼu yuʼun skʼan saʼik junuk ermano ti yij ta mantal sventa jaʼuk skʼelbe skʼoplal li skʼinal snupunelike? (Jn 2:9, 10).
¿Kʼusi la snop stukik li Nick xchiʼuk Julianae xchiʼuk kʼu yuʼun?
¿Buchʼu oy ta sba snopel ti bu chnupunik xchiʼuk li kʼusi tspasik ta skʼinal nupunele? (w06-S 15/10 paj. 25 par. 10).