¿Kʼuxi xuʼ jtsatsubtas li jnupuneltike?

Li Abraan xchiʼuk Sarae skʼanoj sbaik xchiʼuk stsakoj sbaik ta mukʼ (Je 12:11-13; 1Pe 3:6). Akʼo mi jech, ta skoj ti jpasmuliletike laj onoʼox yil svokolik ta snupunelik. ¿Kʼusi xuʼ xchanbeik Abraan xchiʼuk Sara li nupultsʼakaletike?

Skʼan jamal xchiʼin sbaik ta loʼil. Jaʼ yuʼun, akʼo persa ti ta slekiluk avoʼonton xakʼopon anup achiʼil kʼalal jaʼo kapem sjole, kʼalal mu xa snaʼ kʼusi tspas o kʼalal muʼyuk lek tskʼoponote (Je 16:5, 6). Chʼakbeik yorail sventa jmoj oyoxuk avuni chaʼvoʼalik, vinajuk ta akʼopojelik xchiʼuk ta kʼusitik chapasik ti akʼanoj abaike. Li kʼusi mas tsots skʼoplale jaʼ ti xatsakik ta venta li Jeovae, jaʼ yuʼun jmojuk xapasik orasion xchiʼuk jmoj xapasbeik li yabtele (Ekl 4:12). Kʼalal lek tsots li jnupuneltike, jaʼ yichʼobil ta mukʼ Jeova chkʼot, yuʼun jaʼ laj yakʼbe slikeb li nupunele.

MI LA AKʼELIK LI VIDEO ¿KʼUXI XUʼ JTSATSUBTAS LI JNUPUNELTIKE?, TAKʼIK LI SJAKʼOBILTAK LIʼE:

• ¿Kʼu xa yelan yakal chnamajik li Shaan xchiʼuk Kiarae?

• ¿Kʼu yuʼun skʼan jamal xchiʼin sbaik ta loʼil?

• ¿Kʼuxi koltaatik Shaan xchiʼuk Kiara li kʼusi la spasik Abraan xchiʼuk Sarae?

• ¿Kʼusi la spasik Shaan xchiʼuk Kiara sventa stsatsub li snupunelike?

• ¿Kʼu yuʼun oy onoʼox bakʼintik ti chil svokolik li nupultsʼakale?