KʼUSITIK KʼUPIL SBA TA VIVLIA | EKSODO 33, 34
Li skʼupil talelaltak Jeovae
Ti laj yojtikinbe lek stalelaltak Jeova li Moisese, jaʼ koltaat sventa oyuk smalael yuʼun ta stojolal li j-israeletike. Mi laj kojtikinbetik lek stalelaltak li Jeova eke, ta me xkakʼbetik iluk xkʼuxul koʼontontik li kermanotaktike.
«Oy xkʼuxul [yoʼonton], oy slekil yoʼonton». Li Jeovae oy ta yoʼonton li yajtuneltake xchiʼuk tsvul yoʼonton ta stojolalik, jech kʼuchaʼal tspas li totil meʼiletik ta stojolal li yalab xnichʼnabike.
«Mu ta aniluk chlik skʼakʼal yoʼonton». Li Jeovae chakʼ ta ilel smalael yuʼun ta stojolal li yajtuneltak ti tsots tsaʼ smulike xchiʼuk tsmala mi tsutes yoʼontonik.
«Ep tukʼil kʼanelal yuʼun». Li Jeovae chakʼbe iluk kʼanelal ta sbatel osil li yajtuneltake.
XI XAJAKʼBE ABAE: «¿Kʼuxi xuʼ jchanbe li xkʼuxul yoʼonton xchiʼuk slekil yoʼonton Jeovae?».