Oxtos kʼuxi chkakʼtik ta ilel ti jpatoj koʼontontik ta stojolal Jeovae

Li Davide tsal yuʼun Goliat ta skoj ti spatoj lek yoʼonton ta stojolal Jeovae (1Sa 17:45). Li Jeovae tskʼan tskolta li yamigotake (2Kr 16:9). ¿Kʼuxi xuʼ xkakʼtik ta ilel ti jpatoj koʼontontik ta stojolal Jeova ti maʼuk ta jtojolal jtuktike? Jkʼeltik batel oxtosuk.

• Nopolik noʼox xapas orasion. Mu jaʼuk noʼox xakʼopon Dios sventa xakʼanbe perton ta skoj li kʼusitik chopol bat ta pasel avuʼune, kʼanbo avipal xtok sventa stsal avuʼun jtosuk preva (Mt 6:12, 13). Mu jaʼuk noʼox xakʼopon Jeova sventa stsʼuʼiltas li kʼusi kʼot ta nopel avuʼune, kʼanbo xtok ti akʼo sbeiltasot kʼalal muʼyuk toʼox kʼusi kʼotem ta nopel avuʼune (Snt 1:5).

• Nopeso aba xchanel li Vivliae. Kʼelo skotol kʼakʼal (Sl 1:2). Nopbo skʼoplal li viniketik xchiʼuk antsetik ti chalbe skʼoplale xchiʼuk li kʼusi xuʼ xachan ta stojolalike, vaʼun akʼo ta akuxlejal (Snt 1:23-25). Chapano aba li ta cholmantale xchiʼuk mu xapat avoʼonton ta atojolal atuk. Jech xtok, baʼyel xa onoʼox chapano aba li ta tsobajeletik sventa xatabe lek sbalile.

• Chʼuno li kʼusi chal s˗organisasion Jeovae. Kʼelbo skʼoplal li kʼusitik jaʼtik to yaloj li s˗organisasion Jeovae xchiʼuk chʼuno (Nu 9:17). Chʼuno xtok li kʼusitik chal li moletik ta tsobobbaile (Ebr 13:17).

MI LA AK’ELIK LI VIDEO ¡MU XA XIʼIK YUʼUN LI NUTSELE!, TAK’IK LI SJAK’OBILTAK LI’E:

• ¿Kʼusitik la snuptanik li ermanoetik laj kiltik ta videoe?

• ¿Kʼusi koltaatik˗o sventa stsal yuʼunik li xiʼele?