Li Jeovae muʼyuk chchʼay ta sjol ti chavakʼ avipal chatun ta stojole

Bakʼintike, xuʼ jnoptik ti mu xakʼik venta o ti chchʼay noʼox ta sjolik li kʼusi ta jpastik ta stojolal li yantike. ¿Mi jaʼ jech chchʼay ta sjol li Jeova eke? Moʼoj, li stuke mu xchʼay ta sjol ti ta sjunul avoʼonton chatun ta stojolale. Akʼo mi mu xa epuk kʼusi chapas ta skoj ti ipote, li Jeovae muʼyuk chchʼay ta sjol (Ebr 6:10).

MI LA AKʼELIK LI VIDEO MU’YUK CHCH’AY TA SJOL LI JEOVAE, TAKʼIK LI SJAKʼOBILTAK LIʼE:

• ¿Kʼu yelan tunem talel ta stojolal Jeova li ermano Hibshmane?

• ¿Kʼuxi akʼbat iluk yuʼun Jeova li ermano Hibshman ti muʼyuk iktabil-o kʼalal cham li yajnile xchiʼuk kʼalal mu xa masuk kʼusi stakʼ spas ta skoj li sjabilale?

• ¿Kʼu yuʼun xuʼ xkaltik ti xmuyubaj noʼox tunem talel ta stojolal Jeova li ermano Hibshmane? (Pr 10:22).