Ep tajek sbalil chil j-orasiontik li Jeovae

Li Jeovae xkoʼolaj kʼuchaʼal muil pom chaʼi li s-orasion yajtuneltake (Sl 141:2). ¿Kʼu yuʼun? Nopbo skʼoplal liʼe. Kʼalal ta jpastik orasione, ta jtojbetik ta vokol Jeova, chkalbetik ti jkʼanojtik tajeke, li kʼusi ta jvul-o koʼontontike, li kʼusi oy ta koʼontontike xchiʼuk ti sbeiltasutike. Tskʼupin tajek ti jech ta jpastik taje, yuʼun jaʼ te chkakʼtik ta ilel ti ep sbalil chkiltik ti xuʼ xkamigointike. Li Jeovae jaʼ sventa yichʼobil ta mukʼ chaʼi li orasionetik chichʼ pasel ta tsobajeletike akʼo mi jlikel noʼox chichʼ pasel. Pe kʼalal ta jchʼakbetik lek yorail sventa xkalbetik ti kʼu yelan chkaʼi jbatik xchiʼuk li kʼusi ta jnoptike, mas to tskʼupin xchikintael (Pr 15:8).

MI LA AKʼELIK LI VIDEO TSOTS SKʼOPLAL CHKIL TA JKUXLEJAL LI ORASIONE, TAKʼIK LI SJAKʼOBILTAK LIʼE:

• ¿Kʼusi abtelaletik spasoj talel li ermano Johnsone?

• ¿Kʼusitik ora la skʼanbe koltael Jeova ta orasion li ermano Johnsone?

• ¿Kʼusi chakʼ achan li kʼusi la snuptan li ermano Johnsone?