4-10 YUʼUN MARSO
SALMOS 16, 17
Kʼejoj 111 xchiʼuk orasion | Slikeb tsobajel (1 min.)
1. Jeova, «voʼot ti kʼotemot kuʼun ta Snioʼal slekil oʼontonale»
(10 min.)
Lek tajek kʼalal oy kamigotaktik ti chtunik ta stojolal Jeovae (Sl 16:2, 3; w18.12 paj. 26 par. 11).
Xijmuyubaj ti lek xkil jbatik xchiʼuk ti lek jkʼoplaltik ta stojolal Jeovae (Sl 16:5, 6; w14 15/2 paj. 29 par. 4).
Jun koʼontontik ta skoj ti chchabiutik ta mantal li Jeovae (Sl 16:8, 9; w08 15/2 paj. 3 par. 2, 3).
Jech kʼuchaʼal li Davide xijmuyubaj noʼox, yuʼun jaʼ batem ta koʼontontik chijtun ta stojolal Jeova ti jaʼ te chlik talel ta stojolal li kʼusitik lekike.
XI XAJAKʼBE ABAE: «¿Kʼu yelan lekubem tal jkuxlejal avi ti chitun ta stojolal Jeovae?».
2. Jsaʼtik lek li kʼusitik kʼupil sba ta Vivliae
(10 min.)
Sl 17:8. ¿Kʼusi skʼan xal kʼalal xi chal ta Salmoe: «Li yuninal asate»? (it-2-S paj. 491 par. 4).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 17:1-15 (th xcha. 5).
4. Kʼuxi xuʼ xalikes aloʼil
(1 min.) TA JUJUPʼEJ NA. Akʼo junuk invitasion ta sventa li Konmemorasione (th xcha. 11).
5. Kʼuxi xuʼ xalikes aloʼil
(3 min.) TA JUJUPʼEJ NA. Akʼo junuk invitasion ta sventa li Konmemorasione. Mi lek laj yaʼi li yajval nae, akʼbo yil li video Jvules ta joltik li slajel Jesuse (th xcha. 9).
6. Kʼuxi xuʼ xalikes aloʼil
(2 min.) CHOLMANTAL TA BUYUK NOʼOX. Akʼo junuk invitasion ta sventa li Konmemorasione (th xcha. 2).
7. Koltao sventa x-och ta mantal
Kʼejoj 20
8. ¡Jchapan jbatik ta sventa li Konmemorasione!
(15 min.) Mantal ti xuʼ xichʼ jakʼele.
Li ta domingo 24 yuʼun marsoe, jaʼo ta jpastik li Konmemorasione jech kʼuchaʼal laj yal komel mantal li Jesuse. Te ta jvules ta joltik ti kʼu yelan laj yakʼbutik ta ilel ti skʼanojutik tajek li Jeova xchiʼuk Jesuse (Lu 22:19; Jn 3:16; 15:13). ¿Kʼuxi xuʼ xachapan aba ta sventa li tsobajel taje?
Koltao aba sventa xichʼ pukel li invitasion sventa Konmemorasione xchiʼuk tako me ta ikʼel li krixchanoetik sventa xkʼotik ta yaʼiel li mantal ti toj tsots skʼoplale. Pasbo slistail li buchʼutik chakʼan chavikʼ batele. Mi la ata junuk krixchano ti maʼuk te nakal ta aterritorioe, saʼo ta jw.org jayib ora xchiʼuk ti bu ta x-echʼ li chib tsobajeletik ti bu nakale.
Masuk to me xachol mantal li ta marso xchiʼuk avrile. ¿Mi xuʼ van xa-och ta prekursor auksiliar? Li uetik taje xuʼ 15 o 30 ora xachol mantal.
Li ta 18 yuʼun marsoe, lik chanbo skʼoplal li kʼusitik la spas Jesus kʼalal jun xa ox xemana liʼ kuxul ta balumile. Li ta pajina 6 xchiʼuk 7 ti bu chal «Skʼelel Vivlia sventa Konmemorasion ta 2024» te chatabe slistail loʼiletik li kʼusi kʼotanuk ta pasel ti xuʼ xachanbe skʼoplale. Xuʼ xatʼuj atuk li kʼusi chakʼan chachanbe skʼoplale.
Li ta skʼakʼalil Konmemorasione ochan ta jw.org yoʼ xakʼel li video yichʼel ta mukʼ Dios jujun sob sventa Konmemorasione.
Mi sta yorail li Konmemorasione, lekuk xachʼam li buchʼutik chibajemik ta mantale xchiʼuk li buchʼutik sba to velta chkʼotike. Albo ti xuʼ xakolta mi oy kʼusi tskʼan tsnaʼ kʼalal jaʼo li tsobajele. Sventa x-ayan ta yoʼonton li mantale, chapo akʼopik kʼusi ora chbat avulaʼan ta sna.
Nopbo skʼoplal pojelal kʼalal skʼan toʼox li Konmemorasione xchiʼuk mi echʼ xa oxe.
Akʼo ta ilel li VIDEO Jvules ta joltik li slajel Jesuse. Vaʼun, xi xajakʼe:
¿Kʼuxi xuʼ jtunestik li video kʼalal jaʼo ta jpuktik li invitasion sventa Konmemorasione?