29 YUʼUN AVRIL–5 YUʼUN MAYO
SALMOS 34, 35
Kʼejoj 10 xchiʼuk orasion | Slikeb tsobajel (1 min.)
1. «Skotol ora ta jkʼupil kʼopta li Jeovae»
(10 min.)
Akʼo mi jaʼo chil svokol li Davide, laj onoʼox skʼupil kʼopta li Jeovae (Sl 34:1; w07-S 1/3 paj. 22 par. 11).
Li Davide la stoybe skʼoplal Jeova, maʼuk ti xtoyet xa chaʼi sba ta skoj li kʼusitik pasem yuʼune (Sl 34:2-4; w07-S 1/3 paj. 22 par. 13).
Li Davide la stsatsubtasbe xchʼunel yoʼonton xchiʼiltak kʼalal la skʼupil kʼopta li Jeovae (Sl 34:5; w07-S 1/3 paj. 23 par. 15).
Kʼalal pojat lokʼel yuʼun Jeova ta stojolal Akis li Davide, chanib sien viniketik ti muʼyuk lek xil sbaik xchiʼuk li Saule, bat staik David ta takixokol balumil (1Sa 22:1, 2). Jaʼ van tey ta sjol David kʼalal la stsʼiba li salmo liʼe (Sl 34, sloʼilal).
XI XAJAKʼBE ABAE: «Mi oy buchʼu la jchiʼin ta loʼil ta tsobajel ta yan xemanae, ¿kʼusi xuʼ xkal sventa jkʼupil kʼopta li Jeovae?».
2. Jsaʼtik lek li kʼusitik kʼupil sba ta Vivliae
(10 min.)
Sl 35:19. ¿Kʼusi la skʼan laj yal David kʼalal laj yalbe Jeova ti mu smutsʼ satiat yuʼun li yajkontratake? (w06-S 15/5 paj. 20 par. 2).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 34:1-22 (th xcha. 5).
4. Kʼuxi xuʼ xalikes aloʼil
(2 min.) CHOLMANTAL TA BUYUK NOʼOX. K’alal naka to chlik achol amantale, chtuchʼ ta be alo’il (lmd xchanobil 1 punto 4).
5. Kʼuxi xuʼ xapas arevisita
(4 min.) CHOLMANTAL TA BUYUK NOʼOX. (lmd xchanobil 2 punto 4).
6. Kʼuxi xuʼ xavalbe skʼoplal li kʼusi achʼunoje
(5 min.) Skʼelobil noʼox. ijwfq mantal 59. Li kʼusi chavalbe skʼoplale: ¿Kʼu yuʼun muʼyuk tspasik junantik kʼinetik li stestigotak Jeovae? (th xcha. 17).
Kʼejoj 59
7. Oxtos kʼu yelan skʼan xkichʼtik ta mukʼ Jeova li ta tsobajele
(15 min.) Mantal ti xuʼ xichʼ jakʼele.
Xuʼ me jkʼupil kʼoptatik Jeova li ta tsobajeletike. Jkʼeltik batel oxtosuk.
Kʼalal chijloʼilaje: Kʼalal ta jchiʼintik ta loʼil yantike, kalbetik ti lek yoʼonton li Jeovae (Sl 145:1, 7). ¿Mi oy kʼusi la jchantik o laj kaʼitik ti la jtabetik sbalile? ¿Mi oy kʼusi lek kʼot ta pasel kʼalal la jcholtik mantale? ¿Mi oy kʼusi yalojbutik o spasojbutik yantik ti la spat koʼontontike? ¿Mi oy kʼusi labal sba kilojtik li ta spasbentak Jeovae? Skotol taje te likem talel ta stojolal Jeova (Snt 1:17). Mi sob lijkʼot ta tsobajele, xakʼ to me yorail kuʼuntik sventa xkalbetik skʼoplal taje.
Kʼalal chkakʼ jkomentariotike: Kakʼtik persa xkakʼ junuk jkomentariotik ta jujun tsobajel (Sl 26:12). Xuʼ jaʼ jtakʼtik li kʼusi chichʼ jakʼele o ti jambetik mas smelolale, jchantik junuk teksto ta Vivlia, ti xkalbetik skʼoplal li kʼusi xvinaj ta lokʼole o ti kʼuxi xuʼ xkakʼ ta jkuxlejaltik li kʼusi ta jchantike. Teuk ta joltik ti oy buchʼutik yan chakʼ sloʼilike, jaʼ yuʼun jchapantik jayibuk jkomentariotik. Mas to me lek mi jaʼ noʼox 30 segundo o mu stae, yuʼun jaʼ jech xuʼ xakʼ sloʼil li ermanoetik sventa xakʼik «milbil matanaletik ti jaʼ skʼupil kʼoptael li Diose» (Ebr 13:15).
Kʼalal chijkʼejine: Ta sjunuluk me koʼonton xijkʼejin (Sl 147:1). Kʼalal mukʼ li tsobobbaile, xuʼ van mu jta jkomentariotik. Pe jkotoltik xuʼ xijkʼejinutik. Mi mu xijtojob ta kʼejimole, li Jeovae xmuyubaj me kuʼuntik mi ta sjunul koʼonton ta jpastike (2Ko 8:12). Pe skʼan onoʼox me jchanilantik ta jnatik.
Akʼo ta ilel li VIDEO Li kʼusitik jelem talel: Kʼejojetik sventa yichʼobil ta mukʼ Jeova (sbavokʼal). Vaʼun, xi xajakʼe:
Ti kʼu xa sjalil likem talel li j-organisasiontike, ¿kʼuxi kakʼojtik talel ta ilel ti tsots skʼoplal chkiltik ti jkʼupil kʼoptatik Jeova ta kʼejimoletike?
8. Xchanel Vivlia ta Tsobobbail
(30 min.) bt kap. 9 par. 1-7, slikeb loʼil ta yoxvokʼal xchiʼuk rekuadro ta pajina 70.