6-12 YUʼUN MAYO
SALMOS 36, 37
Kʼejoj 87 xchiʼuk orasion | Slikeb tsobajel (1 min.)
1. «Mu xa-ilin ta skoj li buchʼutik toj chopolike»
(10 min.)
Chakʼ jvokoltik li chopol krixchanoetike (Sl 36:1-4; w17.04 paj. 10 par. 4).
Ta me jta jvokoltik mi chij-ilin-o ta skoj li kʼusitik tspas «chopol krixchanoetike» (Sl 37:1, 7, 8; w22.06 paj. 10 par. 10).
Jun me koʼontontik mi ta jpat koʼontontik ta sventa li kʼusitik yaloj Jeovae (Sl 37:10, 11; w17.04 paj. 10 par. 5, 6).
XI XAJAKʼBE ABAE: «¿Mi jaʼ chbat ta koʼonton li notisiaetik ta sventa li kʼusi tspas chopol krixchanoetike?».
2. Jsaʼtik lek li kʼusitik kʼupil sba ta Vivliae
(10 min.)
Sl 36:6. ¿Kʼusi skʼan xal kʼalal laj yal jtsʼibajom yuʼun salmo ti «xkoʼolaj kʼuchaʼal tayal vitsetik» li stukʼilal Jeovae o jech kʼuchaʼal chal li tsʼib ta yok vune ti «xkoʼolaj kʼuchaʼal vitsetik yuʼun [Diose]»? (it-2-S paj. 424 par. 3).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 37:1-26 (th xcha. 10).
4. Kʼuxi xuʼ xalikes aloʼil
(3 min.) TA JUJUPʼEJ NA. (lmd xchanobil 1 punto 5).
5. Kʼuxi xuʼ xapas arevisita
(4 min.) CHOLMANTAL TA BUYUK NOʼOX. Albo ti chakʼan chavakʼbe estudio li buchʼu mu toʼox skʼane (lmd xchanobil 9 punto 4).
6. Mantal
(5 min.) ijwbv mantal 45. Stituloal: ¿Kʼusi chalbe skʼoplal li Salmo 37:4? (th xcha. 13).
Kʼejoj 33
7. ¿Mi chapalot «li ta yorail vokolile»?
(15 min.) Mantal ti xuʼ xichʼ jakʼele.
Ta spʼejel balumile, oy kermanotaktik ti chʼabal xa kʼusi x-ayan kom yuʼunike xchiʼuk chamem yutsʼ yalalik ta skoj nikel, nojelal ta voʼ o yan kʼusitik o ta skoj li kʼusitik tspas krixchanoetike (Sl 9:9, 10). Pe jkotoltik xuʼ jnuptan jvokoltik ta anil. Jaʼ yuʼun, tsots skʼoplal ti chapalukotike.
Akʼo mi chapalutik xa ox,a ¿kʼusi to yan xuʼ jpastik?
Chapano avoʼonton. Teuk ta joltik ti xuʼ onoʼox kʼusitik xkʼot ta jtojolaltike. Baʼyuk chapano xa noʼox aba sventa xanaʼuk kʼusi xuʼ xapas mi la anuptan avokole. Mu masuk toj tsots skʼoplal xavil li kʼusitik oy avuʼune, mi jech chapase, mu me vokoluk chavaʼi ti xavikta komel kʼalal oy ta vokol akuxlejal o kʼalal jaʼ oy ta vokol xkuxlejal li yantike (Je 19:16; Sl 36:9). Vaʼun, mi jech kʼot ta atojolale, lek me kʼusitik chkʼot ta nopel avuʼun xchiʼuk muʼyuk me mas chavul avoʼonton ta skoj li kʼusitik laj avuʼune (Sl 37:19).
Tsotsukot ta mantal. Pato avoʼonton ti xuʼ xchabiot li Jeovae xchiʼuk ti oy ta yoʼonton tskoltaote (Sl 37:18). Teuk ta ajol ti jaʼ tsbeiltas xchiʼuk tskolta yajtuneltak li Jeovae akʼo mi chʼabal xa kʼusi x-ayan chkom yuʼun (Sl 37:23, 24; Jer 45:5).
Kʼalal te ta joltik li kʼusi yaloj tspas Jeovae, xkoʼolaj kʼuchaʼal jtsatsal pojobbailtik «kʼalal jaʼo yorail vokolile» (Sl 37:39).
Akʼo ta ilel li VIDEO ¿Mi chapalot xa mi oy kʼusi kʼot ta pasel ta anile? Vaʼun, xi xajakʼe:
¿Kʼuxi tskoltautik Jeova kʼalal oy kʼusi tsots ta jnuptantik ta anile?
¿Kʼusitik xuʼ jpastik sventa jchapan jbatike?
¿Kʼuxi xuʼ jkoltatik li buchʼutik jech yiloj svokolike?
8. Xchanel Vivlia ta Tsobobbail
(30 min.) bt kap. 9 par. 8-16.
Stsutseb tsobajel (3 min.) |
a Kʼelo li revista ¡Despertad! numero 5 ta 2017, pajina 4-6.