27 YUʼUN MAYO–2 YUʼUN JUNIO
SALMOS 42-44
Kʼejoj 86 xchiʼuk orasion | Slikeb tsobajel (1 min.)
1. Tabo sbalil li chanubtasel chakʼ Jeovae
(10 min.)
Akʼo persa ti jechuk-o jmoj xavichʼ ta mukʼ Jeova xchiʼuk li avermanotake xchiʼuk akʼo persa xabat ta salon (Sl 42:4, 5; w06-S 1/6 paj. 9 par. 4).
Paso orasion kʼalal skʼan to xlik achan li Vivliae (Sl 42:8; w12 15/1 paj. 15 par. 2).
Akʼo sbeiltasot ta skotol ora li Vivliae (Sl 43:3).
Li chanubtasel chakʼ Jeovae chakʼ kipaltik sventa xkuch kuʼuntik li prevaetike xchiʼuk jaʼ tskoltautik sventa jechuk-o xijtun ta stojolal jech kʼuchaʼal laj kalbetike (1Pe 5:10; w16.09 paj. 5 par. 11, 12).
2. Jsaʼtik lek li kʼusitik kʼupil sba ta Vivliae
(10 min.)
Sl 42:5. ¿Kʼusi chakʼ jchantik li kʼusi la stsʼiba li jlevi vinike? (w09 15/11 paj. 9 par. 11, 12).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 44:1-26 (th xcha. 11).
4. Kʼuxi xuʼ xalikes aloʼil
(4 min.) TA JUJUPʼEJ NA. Albo ti chakʼan chavakʼbe estudioe (lmd xchanobil 5 punto 5).
5. Kʼuxi xuʼ xapas arevisita
(5 min.) TA JUJUPʼEJ NA. Albo ti xbat ta tsobajel sventa xaʼi li mantal sventa skotol krixchanoetike. Akʼo ta ilel li video ¿Kʼu yelan li jtsobajelkutike?, pe mu xatsan (lmd xchanobil 7 punto 5).
6. Mantal
(3 min.) lmd apendise 1 punto 4. Stituloal: Muʼyuk xa buchʼu ch-ipaj li ta jelavele (th xcha. 2).
Kʼejoj 21
7. Nopo lek kʼusi chakʼan chachan xchiʼuk kʼusi cha-abtej-o
(15 min.) Mantal ti xuʼ xichʼ jakʼele.
Kerem tseb, ¿mi anaʼoj xa kʼusi chapas mi tsuts avuʼun li achanune? Xuʼ van anaʼoj xa kʼusi cha-abtej-o sventa xatun ta prekursore. Xuʼ van chanop ti skʼan to xachanunaj batel sventa xachan jtosuk abtelal o ti xa ta lek avabtele (título académico). ¡Taje tsots skʼoplal ti xanopbe skʼoplale! Pe ¿mi mu xa xanaʼ kʼusi chapas ta skoj ti ep kʼusitik xuʼ xapase o mi sujbil xa chavaʼi aba ta skoj ti chalbot yantik li kʼusi skʼan xachane? ¿Kʼusi xuʼ skoltaot sventa lekuk kʼusi xkʼot ta nopel avuʼun?
Kʼelo Mateo 6:32, 33. Vaʼun, xi xajakʼe:
¿Kʼu yuʼun tsots skʼoplal ti anopojuk xa kʼusi chakʼan chata ta mantal yoʼ to muʼyuk anopoj kʼusi chachan batel xchiʼuk kʼusi cha-abtej-oe?
¿Kʼusi xuʼ spas li totil meʼiletik sventa skolta yalab xnichʼnabik yoʼ xakʼ ta xkuxlejalik li kʼusi chal Mateo 6:32 xchiʼuk 33? (Sl 78:4-7).
Li kʼusi chkʼot ta nopel avuʼune mu me jaʼuk ta skoj ti chakʼan oyuk lek atakʼine o ti chakʼan lek ojtikinele (1Jn 2:15, 17). Teuk me ta ajol ti vokol chchʼiik ta mantal li buchʼutik chbat ta yoʼontonik takʼine (Lu 18:24-27). Li buchʼu batem ta yoʼonton saʼel kʼulejale vokol chaʼi stsatsubtasel li xchʼunel yoʼontone xchiʼuk ti jaʼuk spas li kʼusi lek chil Jeovae (Mt 6:24; Mr 8:36).
Akʼo ta ilel li VIDEO ¡Kʼelo me aba! Mu me xapat avoʼonton yuʼun li kʼusitik ta onoʼox xlaj skʼoplale: Li kʼulejaletike. Vaʼun, xi xajakʼe:
¿Kʼuxi xuʼ skoltaot Proverbios 23:4 xchiʼuk 5 sventa lekuk kʼusi xkʼot ta nopel avuʼune?
8. Xchanel Vivlia ta Tsobobbail
(30 min.) bt kap. 10 par. 5-12.