29 YUʼUN JULIO–4 YUʼUN AGOSTO
SALMO 69
Kʼejoj 13 xchiʼuk orasion | Slikeb tsobajel (1 min.)
1. Li ta Salmo 69 te chal kʼusitik la snuptan li Jesuse
(10 min.)
Chʼabal srasonal ti la spʼajik li Jesuse (Sl 69:4; Jn 15:24, 25; w11 15/8 paj. 11 par. 17).
Li Jesuse oy tajek ta yoʼonton li sna Jeovae, jaʼ xkaltik, li melel yichʼel ta mukʼ Jeova ti xkoʼolaj kʼuchaʼal kʼokʼ ti xtiltun ta yoʼontone (Sl 69:9; Jn 2:13-17; w10 15/12 paj. 8 par. 7, 8).
Li Jesuse tsots tajek laj yil svokol, ta tsʼakale laj yakʼbeik yuchʼ vino ti kapal ta chʼail tsʼiʼleletike (Sl 69:20, 21; Mt 27:34; Lu 22:44; Jn 19:34; g95-S 22/10 paj. 31 par. 4; it-2-S paj. 669 par. 10).
SVENTA XANOPBE SKʼOPLAL: Li Jeovae, ¿kʼu yuʼun laj yakʼ ta tsʼibael albil kʼopetik ta stojolal Mesias li ta Tsʼibetik ta Ebreo Kʼope?
2. Jsaʼtik lek li kʼusitik kʼupil sba ta Vivliae
(10 min.)
Sl 69:30, 31. Li versikuloetik liʼe, ¿kʼuxi tskoltautik sventa masuk to xlekub li j-orasiontike? (w99-S 15/1 paj. 18 par. 11).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 69:1-25 (th xcha. 2).
4. Oyuk smalael avuʼun: ¿Kʼuxi laj yakʼ ta ilel li Jesuse?
(7 min.) Mantal ti xuʼ xichʼ jakʼele. Akʼo ta ilel li VIDEOE, mi laje, albo jutuk skʼoplal li foyeto Jkʼantik li jchiʼiltaktike xchanobil 8 punto 1, 2.
5. Oyuk smalael avuʼun: Paso li kʼusi la spas Jesuse
(8 min.) Mantal ti xuʼ xichʼ jakʼele. Te chlokʼ li ta foyeto Jkʼantik li jchiʼiltaktike xchanobil 8 punto 3-5 xchiʼuk «Xuʼ to xakʼel».
Kʼejoj 134
6. Kʼusitik chtun ta tsobobbail
(5 min.)
7. Sventa jkʼupintik li yichʼel ta mukʼ Jeova ta utsʼ alalile
(10 min.) Mantal ti xuʼ xichʼ jakʼele.
Li ta enero ta 2009, kʼot ta nopel ti jmojuk skʼakʼalil xjelav li Xchanel Livro yuʼun Tsobobbail, Chanob vun sventa Kabteltik yuʼun Dios xchiʼuk li Tsobajel sventa Tunelale. Taje jaʼ sventa xchʼakbeik yorail junuk mal kʼakʼal o junuk akʼobal ta xemana sventa xetʼesik li yichʼel ta mukʼ Jeova ta utsʼ alalile. Ep utsʼ alaliletik tstojik ta vokol ti jech kʼot ta nopele, yuʼun jaʼ koltaatik-o sventa xnopajik ta stojolal Jeova xchiʼuk ti masuk to jmoj tsobolike (Dt 6:6, 7).
Li kʼusi chkalbetik skʼoplal liʼe, jtunel me yuʼunik li joliletik ta utsʼ alalil sventa skʼupinik li yichʼel ta mukʼ Jeova ta yutsʼ yalalike:
Pasilano me. Mi xuʼ chavile, chʼakbo skʼakʼal xchiʼuk yorail jkojuk ta xemana. Jech xtok, mi oy bu la amakike, sabo yan skʼakʼalil.
Chapano li kʼusi chachanike. Jakʼbo anup achiʼil li kʼusi xuʼ xachanbeik skʼoplale, bateltik xtoke, jaʼ xuʼ xajakʼbe li anichʼnabtake. Mu me persauk jal xachʼakbe yorail sventa xachapan aba, mas to mi anaʼojik xa kʼusi chachanik jujun xemanae.
Jaʼuk xachanik li kʼusi chtun yuʼun avutsʼ avalale. Ta skoj ti chchʼiik li anichʼnabe, chjel li kʼusitik tsnopike xchiʼuk li kʼusitik chtun yuʼunike. Jaʼ yuʼun, li kʼusi chachanike skʼan me stabeik sbalil yoʼ xchʼiik ta mantale.
Junuk me yoʼonton xaʼi sbaik. Xuʼ xachanunajik ta osiltik xtok. Jech xtok, xuʼ me xakuxilanik. Akʼo mi xuʼ onoʼox xavalbe skʼoplal li kʼusitik tsnuptan li avutsʼ avalale, pe maʼuk me yorail sventa xatukʼibtasvan o ti xa-utvane.
Jeltos kʼusitik xapasik. Jech kʼuchaʼal liʼe, kʼalal chapasik li yichʼel ta mukʼ Jeovae, xuʼ jaʼo xachanik jtosuk li kʼusi chichʼ chanel ta tsobajele, xuʼ xakʼelik xchiʼuk xavalbeik skʼoplal junuk video ta jw.org xchiʼuk xachanik ti kʼu yelan chacholik mantale. Akʼo mi jaʼ mas tsots skʼoplal ti jmoj xachanik li mantaletik ta Vivliae, xuʼ onoʼox ti xachʼakbeik yorail sventa xachanunajik ta jujuntal kʼalal jaʼo yorail li yichʼel ta mukʼ Jeova ta avutsʼ avalalike.
Xiuk xajakʼe:
Li kʼusi laj kalbetik skʼoplale, ¿kʼusi apasoj sventa jechuk xapas li ta yichʼel ta mukʼ Jeova ta avutsʼ avalale?
8. Xchanel Vivlia ta Tsobobbail
(30 min.) bt kap. 13 par. 8-16 xchiʼuk rekuadro ta pajina 105.