26 YUʼUN AGOSTO–1 YUʼUN SEPTIEMBRE
SALMO 78
Kʼejoj 97 xchiʼuk orasion | Slikeb tsobajel (1 min.)
1. Mu me jchanbetik li jtoyba j-israeletike
(10 min.)
Li j-israeletike chʼay ta sjolik li kʼusitik labalik sba la spas Jeova ta stojolalike (Sl 78:11, 42; w96-S 1/12 paj. 29, 30 par. 5, 6).
Li j-israeletike muʼyuk tsots skʼoplal laj yilik li kʼusitik lekik akʼbatik yuʼun Jeovae (Sl 78:19; w06-S 15/7 paj. 17 par. 16).
Muʼyuk laj yichʼ-o yoʼontonik li j-israeletike, yuʼun ep ta velta la stoy sbaik ta stojolal li Jeovae (Sl 78:40, 41, 56, 57; wp11 10/01 paj. 27 par. 3, 4).
SVENTA XANOPBE SKʼOPLAL: ¿Kʼusi tskoltautik sventa mu xlik jtoy jbatik ta stojolal li Jeovae?
2. Jsaʼtik lek li kʼusitik kʼupil sba ta Vivliae
(10 min.)
Sl 78:24, 25. ¿Kʼu yuʼun chichʼ alel ti jaʼ «sveʼelik ta vinajel» xchiʼuk «span [anjeletik]» li manae? (w06-S 15/7 paj. 11 par. 5).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 78:1-22 (th xcha. 5).
4. Kʼuxi xuʼ xalikes aloʼil
(3 min.) TA JUJUPʼEJ NA. Albo ti chakʼan chavakʼbe estudioe (lmd xchanobil 5 punto 5).
5. Kʼuxi xuʼ xalikes aloʼil
(3 min.) TA JUJUPʼEJ NA. Tuneso jlikuk tratado sventa xalikes alo’il. Vaʼun, albo ti chakʼan chavakʼbe estudioe (lmd xchanobil 5 punto 4).
6. Kʼuxi xuʼ xalikes aloʼil
(1 min.) TA JUJUPʼEJ NA. Li yajval nae chal ti jlikel no’ox xokole. Vaʼun, albo ti chakʼan chavakʼbe estudioe (lmd xchanobil 2 punto 5).
7. Kʼuxi xuʼ xalikes aloʼil
(4 min.) CHOLMANTAL TA BUYUK NOʼOX. Muʼyuk chavalbe skʼoplal li Vivliae, pe kʼelo kʼuxi xuʼ xavalbe ti jaʼot stestigo Jeovae. Vaʼun, albo ti chakʼan chavakʼbe estudioe (lmd xchanobil 2 punto 4).
Kʼejoj 96
8. Jchanbetik li Felipe ti jaʼ j-al lekil aʼyeje
(15 min.) Mantal ti xuʼ xichʼ jakʼele.
Li ta Vivliae chalbutik skʼoplal krixchanoetik ti lekik kʼusitik la spasike xchiʼuk chalbe skʼoplal li buchʼutik chopol kʼusi la spasike. Sventa jtabetik sbalile, skʼan jchʼak jkʼakʼaltik xchiʼuk xkakʼ kipaltik. Maʼuk noʼox me jkʼeltik li loʼiletik ta Vivliae, yuʼun skʼan jnopbetik skʼoplal kʼusi chakʼ jchantik, vaʼun jkʼeltik kʼuxi xuʼ xkakʼ ta jkuxlejaltik.
Li Felipe ti jaʼ j-al lekil aʼyeje ojtikinbil lek «ti ventainbil [yoʼonton] yuʼun chʼul espiritue» (Ech 6:3, 5). ¿Kʼusi xuʼ jchantik ta stojolal?
Akʼo ta ilel li VIDEO Jchanbetik stalelal: Felipe ti jaʼ j-al lekil aʼyeje. Laje, jakʼo kʼusi xuʼ jchantik:
¿Kʼu yelan laj yaʼi sba Felipe kʼalal oy kʼusitik tsots la snuptane? (Ech 8:1, 4, 5).
¿Kʼusitik lek kʼot ta pasel yuʼun Felipe ta skoj ti lokʼ ta yoʼonton bat tunuk ti bu chtun mas j-al lekil aʼyejetike? (Ech 8:6-8, 26-31, 34-40).
¿Kʼusitik bendision la sta Felipe xchiʼuk yutsʼ yalal ta skoj ti lek snaʼ xchʼamvanike? (Ech 21:8-10).
Li utsʼ alalil ta videoe, ¿kʼu yuʼun xmuyubajik kʼalal la xchanbeik kʼusi la spas li Felipee?
9. Xchanel Vivlia ta Tsobobbail
(30 min.) bt kap. 14 par. 11-20.