2-8 YUʼUN SEPTIEMBRE

KʼUSITIK KʼUPIL SBA TA VIVLIA

1. Vinajuk ti akʼanoj li sbi Dios ti jun to yutsile

(10 min.)

Mu xa xapas li kʼusi chopol chil Jeovae (Sl 79:9; w17.02 paj. 9 par. 5).

Kʼano vokol ta sbi Jeova (Sl 80:18; ijwbv mantal 3 par. 4, 5).

Li Jeovae ep chakʼbe smoton li buchʼu chchʼunbat smantale, yuʼun jaʼ jech chakʼik ta ilel ti skʼanojbeik li sbie (Sl 81:13, 16).

Kʼalal jaʼo chkuxike, oy jun ermano yakal chakʼbe xchiʼil ta abtel jun tarjeta ti chalbe skʼoplal li jw.org. — Skʼan xvinaj ta jtalelaltik ti jaʼutik stestigo Jeova sventa lekuk xkom skʼoplal li sbi Diose.

2. Jsaʼtik lek li kʼusitik kʼupil sba ta Vivliae

(10 min.)

Sl 80:1. ¿Kʼu yuʼun chichʼ tunesbel sbi Jose bakʼintik kʼalal chichʼ albel skʼoplal skotol li snitilulal Israele? (it-2-S paj. 127 par. 5, 6).

Tsʼibao li stakʼobile
¿Kʼusitik kʼupilik sba la ata li ta xchanel Vivlia avi xemanae?

Tsʼibao li stakʼobile

3. Skʼelel Vivlia

(4 min.) Sl 79:1–80:7 (th xcha. 10).

TOJOBKUTIK MAS TA SPASEL LI KABTELTIKE

4. Kʼuxi xuʼ xalikes aloʼil

(1 min.) TA JUJUPʼEJ NA. Albo ti chakʼan chavakʼbe estudioe (lmd xchanobil 4 punto 4).

5. Kʼuxi xuʼ xalikes aloʼil

(3 min.) CHOLMANTAL TA BUYUK NOʼOX. Albo ti chakʼan chavakʼbe estudioe (lmd xchanobil 4 punto 3).

6. Kʼuxi xuʼ xalikes aloʼil

(2 min.) CHOLMANTAL TI BU OY EP KRIXCHANOETIKE. Albo ti chakʼan chavakʼbe estudioe (lmd xchanobil 3 punto 3).

7. Kʼuxi xuʼ xapas arevisita

(5 min.) TA JUJUPʼEJ NA. Albo ti chakʼan chavakʼbe estudio li buchʼu lek chaʼi mantale, pe ti mu toʼox skʼan xchʼam estudioe (lmd xchanobil 8 punto 3).

LI JKUXLEJALTIKE

8. «Ta xchʼultajesbeikun li jbie»

(15 min.) Mantal ti xuʼ xichʼ jakʼele.

Li Satanase lik xchopol kʼopta Jeova li ta nichimaltik Edene, jaʼ yuʼun chopol xa kom skʼoplal yuʼun. Jech oxal, tsots skʼoplal ti xichʼ chʼultajesbel li sbi Diose. Li anjeletik xchiʼuk li krixchanoetike skʼan snopik lek mi chchʼultajesbeik sbi Jeova o mi muʼyuk.

Jnopbetik skʼoplal junantik li kʼusitik mu meleluk yaloj Satanas ta stojolal li Jeovae. Chal ti jaʼ la jun chopol ajvalil ti mu snaʼ xkʼanvane (Je 3:1-6; Job 4:18, 19). Li Satanase chal ti buchʼutik chichʼik ta mukʼ Jeovae muʼyuk la skʼanojik ta melel (Job 2:4, 5). Jech xtok, jaʼ ta smul ti ta smiyonal xa noʼox krixchanoetik yakʼojbe xchʼun ti maʼuk la Jpasvanej kuʼuntik li Jeovae (Ro 1:20, 21).

¿Kʼu yelan chavil li kʼusitik jecheʼ chal li Satanase? ¿Mi mu jechuk ti oy ta avoʼonton chapakbe skʼoplal li Jeovae? Li Jeovae spatoj lek yoʼonton ta stojolal steklumal ti chchʼultajesbat li sbie (Is 29:23). ¿Kʼusi xuʼ xapas sventa xachʼultajesbe li sbi Diose?

Koltao yantik sventa xojtikinik xchiʼuk skʼanik li Jeovae (Jn 17:25, 26). Chapalukot noʼox sventa xavakʼbe yil yantik ti kuxul ta melel li Jeovae xchiʼuk akʼbo yil ti kʼu yelan toj kʼupilik sba li stalelaltake (Is 63:7).
Kʼano ta sjunul avoʼonton li Jeovae (Mt 22:37, 38). Chʼunbo smantal Jeova, pe maʼukuk noʼox jech xapas ta skoj alekilal, jaʼuk ta skoj ti chakʼan xmuyubaje (Pr 27:11).

Lokʼoletik ti te chvinaj li ta video «Li kʼanelale mu xlaj-o skʼoplal… manchuk mi mu xichʼik ta mukʼ Dios li ta aeskuelae». 1. Kʼalal choti ta siya li Ariele, oy jun kerem ti bechkʼobtaate xchiʼuk jakʼbat ti kʼu chaʼal muʼyuk tspas saludar vanderae. 2. Li Ariele lik xchan Svivlia xchiʼuk li xchanobil 61 ta livro «Xchanobiltak ti xuʼ jtatik ta Vivliae». 3. Te vaʼal ta yeloval xchiʼiltak ta chanun xchiʼuk lik yalbe skʼoplal li kʼusi xchʼunoje. 4. Li Diegoe ch-akʼbat yuʼun jun xchiʼil ta chanun jun cigarrillo electrónico. 5. Tstunes internet sventa oy kʼusi sabe skʼoplal. 6. Stseʼet noʼox batel sat kʼalal lokʼ batel ta s-eskuelae.

Akʼo ta ilel li VIDEO Li kʼanelale mu xlaj-o skʼoplal… manchuk mi mu xichʼik ta mukʼ Dios li ta aeskuelae. Vaʼun, xi xajakʼe:

¿Kʼuxi la spakbeik skʼoplal sbi Dios li Ariel xchiʼuk Diegoe?

Tsʼibao li stakʼobile
¿Kʼusi tijbat yoʼontonik sventa spakbeik skʼoplal li Jeovae?

Tsʼibao li stakʼobile
¿Kʼuxi xuʼ jech jpastik ek?

Tsʼibao li stakʼobile

9. Xchanel Vivlia ta Tsobobbail

(30 min.) bt slikeb loʼil ta svakvokʼal, kap. 15 par. 1-7.