16-22 YU’UN SEPTIEMBRE
SALMOS 85-87
Kʼejoj 41 xchiʼuk orasion | Slikeb tsobajel (1 min.)
1. Li orasione tskoltautik sventa xkuch kuʼuntik
(10 min.)
Kʼanbo Jeova ti xamuyubajuk noʼoxe (Sl 86:4).
Albo Jeova ti akʼo skoltaot sventa tukʼuk-o xavakʼ abae (Sl 86:11, 12; w12 15/5 paj. 25 par. 10).
Pato avoʼonton ti ta onoʼox stakʼ a-orasion li Jeovae (Sl 86:6, 7; w23.05 paj. 13 par. 17, 18).
XI XAJAKʼBE ABAE: «Kʼalal ta jnuptan jvokole, ¿mi mas ta jpas orasion xchiʼuk mi mas jal ta jkʼopon li Jeovae?» (Sl 86:3).
2. Jsaʼtik lek li kʼusitik kʼupil sba ta Vivliae
(10 min.)
Sl 86:11. ¿Kʼuxi xuʼ xkakʼtik ta ilel ti chkichʼtik ta mukʼ Jeova ta sjunul koʼontontike? (w20.06 paj. 13 par. 17, 18).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 86:1–87:7 (th xcha. 12).
4. Kʼuxi xuʼ xalikes aloʼil
(3 min.) CHOLMANTAL TA BUYUK NOʼOX. Albo ti chakʼan chavakʼbe estudioe (lmd xchanobil 3 punto 5).
5. Kʼuxi xuʼ xapas arevisita
(4 min.) CHOLMANTAL TA BUYUK NOʼOX. Albo ti chakʼan chavakʼbe estudio li buchʼu la achiʼin ta loʼil ta sba veltae xchiʼuk ti laj yalbot ti tsvul yoʼonton ta skoj li kʼusi laj yil ta notisiae (lmd xchanobil 7 punto 4).
6. Koltao sventa x-och ta mantal
(5 min.) lff xchanobil 15 punto 5. Albo avaj-estudio ti muʼyuk chachanubtas li xemana xtale xchiʼuk kʼelik kʼusi xuʼ xapasik sventa xichʼ s-estudioe (lmd xchanobil 10 punto 4).
Kʼejoj 83
7. Mu xachibaj
(5 min.) Mantal ti xuʼ xichʼ jakʼele.
Akʼo ta ilel li VIDEOE. Vaʼun, xi xajakʼe:
¿Kʼu yuʼun oy bateltik chijchibaj li ta cholmantale?
¿Kʼu yuʼun skʼan mu xijchibaj?
8. ¡Mu xalubtsaj ta yalbel krixchanoetik ti chakʼan chavakʼbe estudioe!
(10 min.) Mantal ti xuʼ xichʼ jakʼele.
¿Mi oy xa alikesoj junuk estudio xchiʼuk li foyeto Kʼupino akuxlejal li ta kampaña avi ue? Mi jeche, xamuyubaj van tajek xchiʼuk tijbat van yoʼonton yantik sventa saʼ s-estudioik ek kʼalal laj yaʼiik o laj yilik ti oy xa a-estudioe. Pe mi chʼabal to buchʼu alikesojbe s-estudioe, xuʼ van chanop ti chʼabal sbalil li kʼusi apasoj tale. ¿Kʼusi xuʼ xapas mi chibajemot chavaʼi aba ta skoj taje?
Akʼo ta ilel li VIDEO Chkakʼtik ta ilel ti jaʼutik yajtunel Dios ta skoj ti stsʼik kuʼuntike. Kʼalal ta jcholtik mantale. Vaʼun, xi xajakʼe:
Mi muʼyuk sbalil chkaʼitik li cholmantal ta jpastike, ¿kʼuxi xuʼ skoltautik li 2 Korintios 6:4 xchiʼuk 6?
¿Kʼusi xuʼ xapas mi chʼabal noʼox sbalil chavil ti chavakʼ avipal chasaʼ junuk a-estudioe?
Teuk ta ajol ti maʼuk chakʼ jmuyubajeltik mi ep buchʼutik ta jlikesbetik o chkakʼbetik s-estudioe. Yuʼun jaʼ xijmuyubaj-o ti jun yoʼonton kuʼuntik Jeova kʼalal chkakʼ kipaltik saʼele (Lu 10:17-20). Jaʼ yuʼun, jechuk-o me ta sjunul avoʼonton xacholik mantal li ta kampañae xchiʼuk teuk ta ajolik «ti mu jecheʼuk li avabtelik ta stojolal Kajvaltike» (1Ko 15:58).
9. Xchanel Vivlia ta Tsobobbail
(30 min.) bt kap. 15 par. 13, 14 xchiʼuk rekuadro ta pajina 121.