7-13 YU’UN OKTUVRE
SALMOS 92-95
Kʼejoj 84 xchiʼuk orasion | Slikeb tsobajel (1 min.)
1. ¡Stuk xa noʼox jech ti chijtun ta stojolal Jeovae!
(10 min.)
Sta-o ti jaʼ noʼox jkʼupil kʼoptatik li Jeovae (Sl 92:1, 4; w18.04 paj. 26 par. 5).
Li Jeovae tskolta steklumal sventa lekuk kʼusi xkʼot ta nopel yuʼunik xchiʼuk ti xmuyubajikuke (Sl 92:5; w18.11 paj. 20 par. 8).
Li Jeovae ep-o sbalil chil li yajtuneltak ti mol meʼelik xae (Sl 92:12-15; w20.01 paj. 19 par. 18).
XI XAJAKʼBE ABAE: «¿Kʼusi tsmakun ti muʼyuk to kakʼojbe jkuxlejal Jeova xchiʼuk ti muʼyuk to kichʼoj voʼe?».
2. Jsaʼtik lek li kʼusitik kʼupil sba ta Vivliae
(10 min.)
Sl 92:5. Li ta teksto liʼe, ¿kʼuxi chakʼ ta ilel ti toj echʼ xa noʼox spʼijil li Jeovae? (cl-S paj. 176 par. 18).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 94:1-23 (th xcha. 5).
4. Kʼuxi xuʼ xalikes aloʼil
(4 min.) CHOLMANTAL TA BUYUK NOʼOX. Kʼalal chachiʼin ta loʼil li krixchanoe, kʼelo kʼuxi xuʼ xavalbe ti chavakʼ chanubtasel ta Vivliae (lmd xchanobil 5 punto 3).
5. Kʼuxi xuʼ xapas arevisita
(3 min.) CHOLMANTAL TA BUYUK NOʼOX. Albo ti chakʼan chavakʼbe estudio li buchʼu lek chaʼi mantale, pe ti mu toʼox skʼan xchʼam estudioe (lmd xchanobil 8 punto 4).
6. Koltao sventa x-och ta mantal
(5 min.) Chiʼino ta loʼil avaj-estudio ti mu xchʼi ta mantale (lmd xchanobil 12 punto 5).
Kʼejoj 5
7. Li kerem tsebetike tsvul tajek yoʼontonik ek
(15 min.) Mantal ti xuʼ xichʼ jakʼele.
Li yajtuneltak Jeovae ta onoʼox svul yoʼontonik o ti mu xa snaʼ kʼusi tspasike. Jech kʼuchaʼal li Davide, ep ta velta la svul yoʼonton. Taje jaʼ jech tsnuptanik epal ermanoetik (Sl 13:2; 139:23). Li kerem tsebetike jaʼ jech tsnuptanik ek. Ta skoj taje xkoʼolaj xa ta jun alal ikatsil chaʼiik li kʼusi tspasik jujun kʼakʼale. Jech kʼuchaʼal ti chbatik ta eskuela o chbatik ta tsobajele. Bakʼintike, ch-och xiʼel ta yoʼontonik o tsnop tsmil sbaik.
Kerem tseb, mi oy bateltik ti mu xa xanaʼ kʼusi chapas ta skoj ti chavul tajek avoʼontone, chiʼino ta loʼil atot o ameʼ o junuk ermano ti yij ta mantale. Jech xtok, jechuk-o me xavalbe Jeova ti skoltaote (Flp 4:6). Li stuke muʼyuk onoʼox bu chiktaot (Sl 94:17-19; Is 41:10). Kʼelo avil kʼusi la spas Steing.
Akʼo ta ilel li VIDEO Oyun ta yoʼonton li Jeovae. Vaʼun, xi xajakʼe:
• ¿Kʼusi tekstoal koltaat li Steing, xchiʼuk kʼu yuʼun?
• ¿Kʼuxi chabiat yuʼun li Jeovae?
Totil meʼiletik, xuʼ me xakolta avalab anichʼnabik sventa mu svul tajek yoʼontonik. Oyuk smalael avuʼunik kʼalal oy kʼusi chalboxuke, akʼbeik yil ti akʼanojik tajeke xchiʼuk koltaik sventa xakʼik venta ti kʼanbilik tajek yuʼun li Jeova eke (Tit 2:4; Snt 1:19). Teuk ta ajolik ti xuʼ spat avoʼontonik Jeova xchiʼuk ti xakʼ avipalik sventa xakolta li avalab anichʼnabike.
Xuʼ van mu jnaʼtik mi oy buchʼu ta jtsobobbailtik ti tsvul tajek yoʼontone o ti mu jnaʼtik kʼu yelan chaʼi sbae. Akʼo mi jech, oy me kʼusi stakʼ jpastik. Jchiʼintik ta loʼil yoʼ kʼanbiluk xaʼi sba xchiʼuk ti mu stukuk xaʼi sbae (Pr 12:25; Ebr 10:24).
8. Xchanel Vivlia ta Tsobobbail
(30 min.) bt kap. 16 par. 6-9 xchiʼuk rekuadro ta pajina 132.