18-24 YUʼUN NOVIEMBRE
SALMOS 107, 108
Kʼejoj 7 xchiʼuk orasion | Slikeb tsobajel (1 min.)
1. «Albeik kolaval li Jeovae, yuʼun li stuke toj lek»
(10 min.)
Li Jeovae la spoj lokʼel j-israeletik ti te toʼox chukbilik ta Babiloniae. Li avi eke, la spojutik lokʼel li ta sbalumil Satanase (Sl 107:1, 2; Kol 1:13, 14).
Ta jtojbetik tajek ta vokol Jeova li kʼusitik spasoj ta jtojolaltike, jech oxal ta jkʼan ta jkʼupil kʼoptatik li ta tsobobbaile (Sl 107:31, 32; w07 5/1 paj. 7 par. 2).
Sventa jnopes jbatik stojbel ta vokol Jeova li kʼusitik spasoj ta jtojolaltike, skʼan jnopbetik lek skʼoplal ti kʼu yelan yakʼoj ta ilel ti skʼanojutike (Sl 107:43; w15 15/01 paj. 9 par. 4).
2. Jsaʼtik lek li kʼusitik kʼupil sba ta Vivliae
(10 min.)
Sl 108:9. ¿Kʼu yuʼun xi laj yal Jeova ta stojolal li Moabe: «Jaʼ li jlechlech boch ta jpok-o kakan xchiʼuk jkʼobe»? (it-2-S paj. 409 par. 6).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Sl 107:1-28 (th xcha. 5).
4. Kʼuxi xuʼ xalikes aloʼil
(3 min.) CHOLMANTAL TA BUYUK NOʼOX. (lmd xchanobil 1 punto 4).
5. Kʼuxi xuʼ xapas arevisita
(4 min.) CHOLMANTAL TA BUYUK NOʼOX. Albo ti xuʼ xichʼ chanubtasel ta Vivliae xchiʼuk akʼbo li tarjeta ti chalbe skʼoplal li chanubtasel ta Vivlia chkakʼtike (lmd xchanobil 9 punto 3).
6. Mantal
(5 min.) ijwyp mantal 90. Stituloal: ¿Kʼusi skʼan jpas sventa mu chopoluk kʼusi jnop? (th xcha. 14).
Kʼejoj 46
7. Jkʼejintatik Jeova sventa jtojbetik ta vokol
(15 min.) Mantal ti xuʼ xichʼ jakʼele.
Li j-israeletike xtʼelajetik xa ta xiʼel kʼalal nutsbilik batel yuʼun li soltaroetik ta Ejiptoe, pe li Jeovae la spoj lokʼel kʼalal te xa ox oyik li ta Tsajal nabe. Jech oxal, lokʼ ta yoʼontonik skʼejintael Jeova sventa stojbeik ta vokole (Eks 15:1-19). Jaʼ baʼyel la skʼejintaik achʼ kʼejoj li viniketike (Eks 15:21). Li Jesus xchiʼuk li baʼyel yajtsʼaklomtake kʼejinik ek sventa skʼupil kʼoptaik Jeova (Mt 26:30; Kol 3:16). Avi eke, chijkʼejinutik ta tsobajeletik xchiʼuk ta asambleaetik sventa jtojbetik ta vokol li Jeovae. Li kʼejimol la jkʼejintatik naka to ti Kolaval, Jeova xi sbie, leʼ xa onoʼox ta 1966 lik yichʼ kʼejintael.
Ta junantik jteklumetike, oy buchʼutik ti chkʼexavik kʼalal chkʼejinik ta yeloval yantike. Junantik xtoke, tsnopik ti muʼyuk lek li yechʼomal yeike. Pe skʼan teuk ta joltik ti kʼalal chijkʼejin ta tsobajeletike, jaʼ sventa xkichʼtik ta mukʼ Dios. Li s-organisasion Jeovae yakʼoj persa ti spas kʼupil sba kʼejimoletik xchiʼuk tstʼuj lek li kʼusi chichʼ kʼejintael ta jujun tsobajele. Li voʼotike jaʼ xa noʼox skʼan jmoj xijkʼejin xchiʼuk kermanotaktik sventa jtojbetik ta vokol Jeova xchiʼuk ti xkakʼbetik ta ilel ti jkʼanojtike.
Akʼo ta ilel li VIDEO Li kʼusitik jelem talel: Kʼejojetik sventa yichʼobil ta mukʼ Jeova (xchaʼvokʼal). Vaʼun, xi xajakʼe:
¿Kʼusi kʼot ta pasel li ta sjabilal 1944?
Li kermanotaktik ta Siberiae, ¿kʼuxi laj yakʼik ta ilel ti tsots skʼoplal laj yilik ti xkʼejinike?
Li stestigoutik Jeovae, ¿kʼu yuʼun toj tsots skʼoplal chkiltik ti jkʼupil kʼoptatik ta kʼejojetik li Diose?
8. Xchanel Vivlia ta Tsobobbail
(30 min.) bt kap. 18 par. 6-15.