23-29 YU’UN DISIEMBRE

KʼUSITIK KʼUPIL SBA TA VIVLIA

1. ¿Kʼusi xuʼ jpastik sventa mu jtikʼ jbatik ta vokole?

(10 min.)

Jkʼantik li smantaltak Diose (Sl 119:127; w18.06 paj. 17 par. 5, 6).

Jpʼajtik skotol li kʼusi chopole (Sl 119:128; w93-S 15/4 paj. 17 par. 12).

Jchikintatik li kʼusi chalbutik Jeovae, mu jechuk jpastik li kʼusitik tspasik «li buchʼutik muʼyuk spʼijilike» (Sl 119:130, 133; Pr 22:3).

Jlik Vivlia xchiʼuk te latsal ta xokon epal takʼin ti pasbil ta oroe.

XI XAJAKʼBE ABAE: «¿Kʼusitik skʼan jpas sventa masuk to jkʼan li smantaltak Jeovae xchiʼuk ti masuk to jpʼaj li kʼusitik chopole?».

2. Jsaʼtik lek li kʼusitik kʼupil sba ta Vivliae

(10 min.)

Sl 119:160. Jech kʼuchaʼal chal li versikulo liʼe, ¿kʼusi skʼan jpʼeluk ta koʼontontik? (w23.01 paj. 2 par. 2).

Tsʼibao li stakʼobile
¿Kʼusitik kʼupilik sba la ata li ta xchanel Vivlia avi xemanae?

Tsʼibao li stakʼobile

3. Skʼelel Vivlia

(4 min.) Sl 119:121-152 (th xcha. 2).

TOJOBKUTIK MAS TA SPASEL LI KABTELTIKE

4. Kʼuxi xuʼ xalikes aloʼil

(3 min.) TA JUJUPʼEJ NA. (lmd xchanobil 1 punto 5).

5. Kʼuxi xuʼ xapas arevisita

(4 min.) TA JUJUPʼEJ NA. Akʼbo yil junuk krixchano kʼuxi xuʼ sta ta jw.org junuk mantal ti oy ta yoʼonton chchane (lmd xchanobil 8 punto 3).

6. Koltao sventa x-och ta mantal

(5 min.) Chiʼino ta loʼil avaj-estudio ti mu masuk chkʼot ta tsobajele (lmd xchanobil 12 punto 4).

LI JKUXLEJALTIKE

7. Mu xatikʼ aba ta vokol ta skoj li takʼine

(15 min.) Mantal ti xuʼ xichʼ jakʼele.

Li buchʼutik batem ta yoʼontonik saʼel li takʼine «ep tajek staoj svokolik ti toj kʼuxe» (1Ti 6:9, 10). Jkʼeltik batel junantik kʼusi chkʼot ta pasel mi jkʼanojtik tajek li takʼine xchiʼuk mi jaʼ mas tsots skʼoplal chkiltike:

Muʼyuk xa me lek chkil jbatik xchiʼuk li Jeovae (Mt 6:24).
Mu junuk noʼox koʼontontik yuʼun li kʼusi x-ayan kuʼuntike (Ekl 5:10).
Mas me anil xuʼ xijpʼaj ta spasel li kʼusi chopole, jech kʼuchaʼal ti jutik kʼope, ti xij-elkʼaje xchiʼuk ti xijloʼlavane (Pr 28:20). Mi jech la jpastike, muʼyuk xa me jun koʼontontik, muʼyuk xa lek jkʼoplal chijkom xchiʼuk muʼyuk xa lek chkil jbatik xchiʼuk Jeova.

Lokʼol ti te chvinaj li ta video «Kʼuxubino li atakʼine». Li kereme te stsakoj skʼejobil stakʼin.

Kʼelo Ebreos 13:5 xchiʼuk albeik skʼoplal li sjakʼobil liʼe:

¿Kʼusi xuʼ skoltautik sventa mu jtikʼ jbatik ta vokol ta skoj li takʼine, xchiʼuk kʼu yuʼun?

Tsʼibao li stakʼobile

Akʼo mi muʼyuk jkʼanojtik li takʼine, pe xuʼ me xkil jvokoltik yuʼun mi ixtol noʼox chkaʼitike.

Akʼo ta ilel li video DIVUJOETIK TA PISARRON Kʼuxubino li atakʼine. Vaʼun, xi xajakʼe:

Lokʼol ti te chvinaj li ta video «Kʼuxubino li atakʼine». Li kerem xchiʼuk tsebe te stsakojik slistail li kʼusi chtun yuʼunik xchiʼuk li kʼusi tskʼan tsmanike, te stsʼibaojik jayib stojol jujun. Li ta slista li kereme te stsakojbe stojol jun audifono, jchop xonobil, sveʼel, xchiʼuk voletoetik sventa tren. Li ta slista li tsebe te stsakojbe stojol jlik svolsa, jun reloj, sveʼel xchiʼuk gasolina.

¿Kʼu yuʼun lek ti baʼyel xakʼel li kʼusitik chamane, xchiʼuk kʼuxi xuʼ spas avuʼun taje?

Tsʼibao li stakʼobile

Lokʼol ti te chvinaj li ta video «Kʼuxubino li atakʼine». Kʼalal chakʼ voʼe, li tsebe la sman chib sparagua, jun sventa yuʼun xchiʼuk jun yuʼun sbankil. Yuʼun li kereme jaʼ noʼox la sman-o snieve.

¿Kʼu yuʼun jtunel ti xakʼej jutebuk atakʼine?

Tsʼibao li stakʼobile

Lokʼol ti te chvinaj li ta video «Kʼuxubino li atakʼine». Li kereme chukul ta skʼob jun mukʼta tarjeta de crédito xchiʼuk te xa tstseʼintaat talel yan tarjeta de crédito.

¿Kʼu yuʼun jaʼ mas lek ti mu ta jecheʼuk noʼox xapas avile?

Tsʼibao li stakʼobile

8. Xchanel Vivlia ta Tsobobbail

(30 min.) bt slikeb loʼil ta svukvokʼal xchiʼuk kap. 20 par. 1-7.