28 YUʼUN AVRIL–4 YUʼUN MAYO

KʼUSITIK KʼUPIL SBA TA VIVLIA

1. ¡Mu xaval!

(10 min.)

Mu xaval li kʼusi xuʼ x-akʼbat-o svokol li yantike (Pr 11:9; w02-S 15/5 paj. 26 par. 4).

Mu xaval li kʼusi xuʼ xchʼakvan-oe (Pr 11:11; w02-S 15/5 paj. 27 par. 2, 3).

Mu xaval li kʼusi mu stakʼ snaʼ yantike (Pr 11:12, 13; w20.03 paj. 21, 22 par. 12, 13).

Li ta salone, te chloʼilaj chaʼvoʼ ermanoetik. Li june oy kʼusi chopol chal ta stojolal li ermano ti te xa chnopaj talele.

SVENTA XANOPBE SKʼOPLAL: Jech kʼuchaʼal laj yal Jesus ta Lukas 6:45, ¿kʼusi tskoltautik sventa mu jyayijestik yantik ta skoj li kʼusi chkaltike?

2. Jsaʼtik lek li kʼusitik kʼupil sba ta Vivliae

(10 min.)

Pr 11:17. ¿Kʼuxi tstabe sbalil stuk li buchʼu oy slekil yoʼontone? (w18.11 paj. 30 par. 4-6).

Tsʼibao li stakʼobile
¿Kʼusitik kʼupilik sba la ata li ta xchanel Vivlia avi xemanae?

Tsʼibao li stakʼobile

3. Skʼelel Vivlia

(4 min.) Pr 11:1-20 (th xchanobil 5).

TOJOBKUTIK MAS TA SPASEL LI KABTELTIKE

4. Kʼuxi xuʼ xalikes aloʼil

(4 min.) CHOLMANTAL TA BUYUK NOʼOX. Kʼelo kʼuxi xuʼ xavalbe skʼoplal li kʼusi achʼ to la achan ta tsobajele (lmd xchanobil 2 punto 4).

5. Kʼuxi xuʼ xapas arevisita

(4 min.) CHOLMANTAL TA BUYUK NOʼOX. Akʼo ta ilel xchiʼuk chapbo smelolal junuk video ti te oy li ta abtejebaletik sventa xijchanubtasvane, pe mu xatsan (lmd xchanobil 8 punto 3).

6. Koltao sventa x-och ta mantal

(4 min.) CHOLMANTAL TI BU OY EP KRIXCHANOETIKE. Albo ti chakʼan chavakʼbe estudioe xchiʼuk akʼbo yil ti k’u yelan chkakʼtik li estudioe (lmd xchanobil 10 punto 3).

LI JKUXLEJALTIKE

7. Mu me xaval li kʼusi xuʼ xchʼay-o yuʼun jun oʼontonale

(15 min.) Mantal ti xuʼ xichʼ jakʼele.

Ta skoj ti jpasmulilutike, oy onoʼox van chlokʼ ta ketik li kʼusi mu stakʼ xkaltike (Snt 3:8). Pe mi te ta joltik li kʼusi muʼyuk lek chbat ta alel kuʼuntike, jaʼ tskoltautik sventa mu xkaltik li kʼusi xuʼ jchaʼnaʼtik toe. Kʼelavil li kʼusi xuʼ xchʼay-o yuʼun jun oʼontonal li ta tsobobbaile:

K’alal ta jtoy jbatike. Kʼalal ta jtoy jkʼoplal jtuktike, xuʼ me xlik itʼixajikuk li ermanoetike xchiʼuk xuʼ xlik-o tsalbail yuʼun (Pr 27:2).
Kʼalal muʼyuk jamal chijkʼopoje. Maʼuk noʼox skʼan xal ti ta jutik kʼope, yuʼun te tsakal skʼoplal xtok ti muʼyuk lek chaʼibeik smelolal yantik ta skoj ti muʼyuk jamal chijkʼopoje. Akʼo mi jpʼelchaʼpʼel noʼox li kʼusi muʼyuk jamal xkaltike, xuʼ me mu xa spat yoʼontonik ta jtojolaltik xchiʼuk tsok jkʼoplaltik (Ekl 10:1).
Kʼalal chijloʼiltavane. Te smakojbe skʼoplal ti oy xa kʼusi mu jechuk chkaltik batel ta stojolal yantike xchiʼuk ti jpuktik batel li kʼusi mu stakʼ xaʼi yantike (1Ti 5:13). Xuʼ me xlik-o kʼop xchiʼuk chʼakbail.
Kʼalal xijkʼakʼet xa chijkʼopoje. Taje jaʼ skʼan xal ti jaʼ jech chlokʼ ta ketik ti kʼu yelan chkaʼi jbatik ta stojolal li buchʼu oy kʼusi chopol la spasbutike (Ef 4:26). Chyayijesvan kʼalal jech chijkʼopoje (Pr 29:22).

Lokʼoletik ti te chvinaj li ta video «Jipik lokʼel li kʼusi chchʼay jun oʼontonale» (jtuchʼ no’ox). 1. Li Emily xchiʼuk Celiae te oyik ta kafeteria. Li Celiae tskʼel ta selular li kʼusi la smuyes ta redes sociales li Clarae. 2. Kʼalal te oyik ta skotleb karro ta Salone, li Clarae ta skapemal sjol chchiʼin ta loʼil li Celiae.

Akʼo ta ilel li VIDEO Jipik lokʼel li kʼusi chchʼay jun oʼontonale (jtuchʼ no’ox). Vaʼun, xi xajakʼe:

Ta skoj ti ta anil noʼox xuʼ xchʼay jun oʼontonal li ta tsobobbaile, ¿kʼusitik laj yakʼ jchantik li video ta sventa ti kʼu yelan skʼan xijkʼopoje?

Tsʼibao li stakʼobile

Mi chakʼan chanaʼ kʼuxi chapaj li skʼopike, kʼelo li video Saʼo jun oʼontonal xchiʼuk jaʼ xatsʼakli batel.

8. Xchanel Vivlia ta Tsobobbail

(30 min.) bt kap. 25 par. 14-21.