19-25 YUʼUN MAYO
PROVERBIOS 14
Kʼejoj 89 xchiʼuk orasion | Slikeb tsobajel (1 min.)
1. Kʼelo lek kʼusi stakʼ xapas kʼalal oy kʼusi tsots chkʼot ta pasele
(10 min.)
Mu me xachʼun skotol li kʼusi cha-albate (Pr 14:15; w23.02 paj. 22, 23 par. 10-12).
Mu xapat avoʼonton ta apʼijil atuk xchiʼuk mu xanop ti xanabe xa lek skʼoplale (Pr 14:12).
Mu me xachʼunbe kʼusitik chalik li buchʼutik spʼajojbeik s-organisasion Jeovae (Pr 14:7).
SVENTA XANOPBE SKʼOPLAL: Moletik, ¿mi yakal xa chachʼunbeik li kʼusi chal s-organisasion Jeovae xchiʼuk mi apatoj avoʼontonik ti tskoltaoxuk Jeova kʼalal oy kʼusi tsots chkʼot ta pasele? (w24.07 paj. 5 par. 11).
2. Jsaʼtik lek li kʼusitik kʼupil sba ta Vivliae
(10 min.)
Pr 14:17. ¿Kʼusi skʼan jtsaktik ta venta kʼalal oy kʼusi ta jnop ta jpastike? (Iff xchanobil 35 punto 2).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Pr 14:1-21 (th xchanobil 11).
4. Kʼuxi xuʼ xalikes aloʼil
(3 min.) CHOLMANTAL TI BU OY EP KRIXCHANOETIKE. Akʼbo yil kʼusi chal Vivlia li jun krixchano ti yakal tsvul yoʼonton ta skoj ti chʼabal lek takʼine (lmd xchanobil 3 punto 3).
5. Kʼuxi xuʼ xapas arevisita
(4 min.) TA JUJUPʼEJ NA. Kʼalal ay avulaʼan ta sba velta li jun krixchanoe, oy kʼusi lek laj yaʼi. Li avi une akʼbo jlikuk revista ti jaʼ chalbe skʼoplal taje (lmd xchanobil 9 punto 4).
6. Koltao sventa x-och ta mantal
(5 min.) Albo li avaj-estudio ti akʼo xchan Svivlia skotol kʼakʼale xchiʼuk akʼbo yil kʼuxi ta pasel (th xchanobil 19).
Kʼejoj 126
7. Chapalukutik kʼalal oy kʼusi tsots chkʼot ta pasele
(15 min.) Mantal ti xuʼ xichʼ jakʼele.
Jaʼ tsjelubtas jun mol ta tsobobbail. Alo me mi oy kʼusi yaloj tal li Betele o mi oy kʼusi snopoj li moletike.
Ta skoj ti ta slajebal xa kʼakʼal kuxulutike, stalel onoʼox ti tstsatsaj batel li vokolile (2Ti 3:1). Nopajtik noʼox chalbutik s-organisasion Jeova kʼusi stakʼ jpastik yoʼ mu xkakʼ ta vokol jkuxlejaltik kʼalal chvul jtosuk vokolile. Mi ta jtsatsubtas jbatik lek ta mantal, mi ta jchapan jbatik lek xchiʼuk mi ta jchʼunbetik smantal li j-organisasiontik avie, xuʼ me kuxul xijkom kʼalal chtal vokolile (Pr 14:6, 8).
Jtsatsubtas jbatik lek ta mantal: Nopuk xavaʼi xchanel li Avivliae xchiʼuk ti xachan yan vunetik atuke. Chano lek xcholel mantal ta naetik, ta bebetik xchiʼuk ta yan butikuk. Mu me x-och xiʼel ta avoʼonton mi mu to stakʼ xatsob abaik xchiʼuk li ermanoetik ta tsobobbaile (Pr 14:30). Teuk me ta ajol ti te xchiʼukutik-o li Jeova xchiʼuk Jesukristoe (od paj. 176 par. 15-17).
Jchapan me jbatik lek: Maʼuk noʼox skʼan jchapan li jmochilatike, skʼan me ep-epuk jman jveʼeltik, kaʼaltik, jpoxiltik xchiʼuk yan kʼusitik chtun ta skoj mi jal mu stakʼ xijlokʼ ta jnatike (Pr 22:3; g17.5-S paj. 4).
Akʼo ta ilel li VIDEO ¿Mi chapalot xa mi oy kʼusi kʼot ta pasel ta anile? Vaʼun, xi xajakʼe:
¿Kʼuxi xuʼ skoltautik Jeova kʼalal oy kʼusi tsots chkʼot ta pasele?
¿Kʼusitik xuʼ jpastik sventa jchapan jbatike?
¿Kʼuxi xuʼ jkoltatik li yan krixchanoetik ti chil svokolik eke?
8. Xchanel Vivlia ta Tsobobbail
(30 min.) bt kap. 26 par. 18-22 xchiʼuk rekuadro ta pajina 209.