14-20 YUʼUN JULIO
PROVERBIOS 22
Kʼejoj 79 xchiʼuk orasion | Slikeb tsobajel (1 min.)
1. Lekil tojobtaseletik sventa xichʼ chanubtasel li kʼoxetike
(10 min.)
Chanubtaso avalab anichʼnabik sventa stsal yuʼunik li kʼusitik tsnuptanike (Pr 22:3; w20.10 paj. 27 par. 7).
Ta sneneʼalik noʼox me xachanubtasik (Pr 22:6; w19.12 paj. 26 par. 17-19).
Ta slekiluk me avoʼonton xavalbeik mantal (Pr 22:15; w15 15/11 paj. 5 par. 6).
2. Jsaʼtik lek li kʼusitik kʼupil sba ta Vivliae
(10 min.)
Pr 22:29. Li teksto liʼe, ¿kʼuxi xuʼ skoltautik kʼalal oy kʼusi ta jpastik ta tsobobbaile, xchiʼuk kʼusi sbalil ta jtabetik? (w21.08 paj. 22 par. 11).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Pr 22:1-19 (th xchanobil 10).
4. Kʼuxi xuʼ xalikes aloʼil
(3 min.) TA JUJUPʼEJ NA. (lmd xchanobil 5 punto 4).
5. Kʼuxi xuʼ xalikes aloʼil
(4 min.) CHOLMANTAL TA BUYUK NOʼOX. Akʼbo yil kʼuxi xuʼ sta ta jw.org junuk mantal ti xuʼ xkoltaatik-o li totil meʼiletike (lmd xchanobil 1 punto 4).
6. Mantal
(5 min.) ijwyp-S mantal 100. Stituloal: Li echʼ ta raya. . . ¿Kʼusi ta jpas un? (th xchanobil 20).
Kʼejoj 134
7. Oyuk smalael avuʼunik, pe mu me teuk noʼox akʼelojik
(15 min.) Mantal ti xuʼ xichʼ jakʼele.
Li totil meʼiletike skʼan ti oyuk tajek smalael yuʼunik kʼalal tstsʼites li yalab xnichʼnabike. Skʼan xakʼik ta ilel ti oy ta yoʼontonik li kʼusi tsnuptanike, ti xchʼakbeik yorail sventa koʼoluk kʼusi spasike xchiʼuk ti mu sujomuk spasike (Dt 6:6, 7). Mi tskʼan tsnaʼik li kʼusi tsnopik xchiʼuk ti kʼu yelan chaʼi sbaik li yalab xnichʼnabike, skʼan oyuk kʼusi sjakʼbeik sventa snaʼik li kʼusi oy ta yoʼontonike xchiʼuk ti xchikintabeik leke (Pr 20:5). Sventa xaʼibeik smelolal xchiʼuk ti xakʼ ta xkuxlejalik li kʼusi ch-albat yuʼun stot smeʼik li alab nichʼnabiletike, yikʼaluk van skʼan ep ta velta xichʼik albel.
Ti oy smalael yuʼunik li totil meʼiletike, maʼuk skʼan xal ti te noʼox skʼelojik li kʼusi tspasike. Li Jeovae yakʼojbe sbain totil meʼiletik ti xalbe yalab xnichʼnabik li kʼusi xuʼ spasik xchiʼuk li kʼusi mu xuʼ spasike xchiʼuk ti stukʼibtasik kʼalal mu xchʼunike (Pr 6:20; 23:13).
Kʼelo Efesios 4:31. Vaʼun, xi xajakʼe:
Kʼalal jaʼo kapem sjol li totil meʼiletike, ¿kʼu yuʼun muʼyuk lek ti jaʼo stukʼibtas li yalab xnichʼnabike?
Kʼelo Galatas 6:7. Vaʼun, xi xajakʼe:
Li totil meʼiletike, ¿kʼu yuʼun tsots skʼoplal ti xalbeik yalab xnichʼnabik ti oy kʼusi chopol tsnuptanik mi chopol kʼusi tspasike?
Akʼo ta ilel li VIDEO «Tsʼikbo me abaik ta jujuntal ta skoj ti akʼanoj abaike». Avalab anichʼnab. Vaʼun, xi xajakʼe:
¿Kʼusi chakʼ jchantik li videoe?
8. Xchanel Vivlia ta Tsobobbail
(30 min.) lfb «Skarta li Jtsop Jbeiltasvaneje», slikeb loʼil ta sbavokʼal xchiʼuk xchanobil 1.