22-28 YUʼUN SEPTIEMBRE

EKLESIASTES 1, 2

Kʼejoj 103 xchiʼuk orasion | Slikeb tsobajel (1 min.)

KʼUSITIK KʼUPIL SBA TA VIVLIA

1. Jchanubtastik li achʼ jchʼieletike

(10 min.)

[Akʼo ta ilel li VIDEO Yaʼyejal slivroal Eclesiastés].

Skʼan jchanubtastik li achʼ jchʼieletike (Ekl 1:4; w17.01 paj. 27, 28 par. 3, 4).

Kʼalal ta jchanubtastik li yantike xchiʼuk mi oy kʼusi chkakʼbetik sbainike, jaʼ jech ta jkoltatik sventa skʼupinik ti tsots ch-abtejik ta stojolal Jeovae (Ekl 2:24).

Li jun ermano ti kerem toe jaʼ chetʼes «Li Jkʼel-osil ta toyole», li ermano ti oy xa sjabilale jaʼ chchan li parafoetike xchiʼuk stseʼet noʼox tskʼel li ermanoe. — Jechuk-o xachanubtas li buchʼutik mas to keremike, mu xanop ti jaʼ xa tspojbot li kʼusi abainoje.

2. Jsaʼtik lek li kʼusitik kʼupil sba ta Vivliae

(10 min.)

Ekl 2:11. ¿Kʼusi laj yakʼ venta Salomon kʼalal tsots tajek abtej xchiʼuk ti la spas skotol li kʼusi xal yoʼontone? (w18.12 paj. 22 par. 14).

Tsʼibao li stakʼobile
¿Kʼusitik kʼupilik sba la ata li ta xchanel Vivlia avi xemanae?

Tsʼibao li stakʼobile

3. Skʼelel Vivlia

(4 min.) Ekl 1:1-18 (th xchanobil 11).

TOJOBKUTIK MAS TA SPASEL LI KABTELTIKE

4. Kʼuxi xuʼ xalikes aloʼil

(2 min.) CHOLMANTAL TA BUYUK NOʼOX. Kʼelo kʼusi oy ta yoʼonton chchanbe skʼoplal li jun krixchanoe, vaʼun albo ti chakʼan chachiʼin ta loʼil yan veltae (lmd xchanobil 3 punto 5).

5. Kʼuxi xuʼ xalikes aloʼil

(2 min.) CHOLMANTAL TI BU OY EP KRIXCHANOETIKE. Tuneso jtosuk «Li kʼusi ta jkʼupintik yalbel skʼoplal ta Vivliae», jechuk xapas kʼuchaʼal chal li ta apendise 1 li ta foyeto Jkʼantik li jchiʼiltaktike (lmd xchanobil 2 punto 3).

6. Kʼuxi xuʼ xapas arevisita

(2 min.) CHOLMANTAL TA BUYUK NOʼOX. Albo smelolal li kʼusi la sjakʼbot jun krixchano kʼalal la achiʼin ta loʼil echʼ veltae (lmd xchanobil 9 punto 5).

7. Koltao sventa x-och ta mantal

(5 min.) CHOLMANTAL TI BU OY EP KRIXCHANOETIKE. Akʼbo yil jun krixchano kʼu yelan li chanubtasel chkakʼtike xchiʼuk chapo akʼopik sventa jechuk-o xachanik batele (lmd xchanobil 10 punto 3).

LI JKUXLEJALTIKE

Kʼejoj 84

8. Oxtos kʼusi skʼan jtsaktik ta venta kʼalal ta jchanubtastik yantike

(15 min.) Mantal ti xuʼ xichʼ jakʼele.

Lokʼoletik: Li ermanoetike yakal chchanubtasik li yantike. 1. Li jun ermano ti te oy ta konstruksione yakal chchanubtas jun ermana kʼuxi ta tunesel li xtuchʼobil teʼe. 2. Li jun ermano ti oy xa sjabilale yakal tskʼel kʼu yelan xchapanoj sparte li jun ermano ti mas to kerem ti te oyik ta salone. Li ermano ti oy xa sjabilale te stsakoj li foyeto «Tojobkutik lek ta xchanel vun xchiʼuk ta chanubtasvanej». 3. Li jun ermanoe chchanubtas jun kerem kʼuxi ta jelbel spilail li mikrofonoe. 4. Li totil xchiʼuk chaʼvoʼ skereme tskolta sbaik ta skusel li salone. Li totil xchiʼuk sbankilal kereme yakal tstunesik aspiradora, li xkʼox kereme yakal tskus li atrile. — Li kʼanelale tstij koʼontontik sventa jchanubtastik li yantike, vaʼun jaʼ jech tskʼupinik ek li kʼusi yakʼoj jbaintik spasel li Jeovae.

Sventa jnaʼtik kʼu yelan ta chanubtasel li yantike, skʼan jtsaktik ta venta li slekil kʼelobiltak ta Vivliae. Jech kʼuchaʼal Samuel ti la xchanubtas Saule, Elias ti la xchanubtas Eliseoe, Jesus ti la xchanubtas yajchankʼoptake xchiʼuk Pablo ti la xchanubtas Timoteoe. Pe li buchʼu mas to xtojob ta chanubtasvaneje jaʼ li Jeovae. ¿Kʼusi xuʼ jchantik ta stojolal?

Akʼo ta ilel li VIDEO Jchanubtastik yantik kʼuchaʼal tspas li Jeovae (Juan 5:20) (jtuchʼ noʼox). Vaʼun, xi xajakʼe:

Kʼalal chkiltik kʼu yelan chchanubtas yantik li Jeovae, ¿kʼusi oxtos chakʼ jchantik?

Tsʼibao li stakʼobile

9. Xchanel Vivlia ta Tsobobbail

(30 min.) lfb xchanobil 20, 21.