22-28 YU’UN DISIEMBRE
ISAIAS 11-13
Kʼejoj 14 xchiʼuk orasion | Slikeb tsobajel (1 min.)
1. ¿Kʼusi chal Vivlia ta stojolal li Mesiase?
(10 min.)
Te lik talel ta snitilulal Jese ta stojolal David ti jaʼ xnichʼone (Is 11:1; ip-1 paj. 159 par. 4, 5-mwbr).
Ta xichʼbe li s-espiritu Jeovae xchiʼuk ta xiʼta li Diose (Is 11:2, 3 sbavokʼal; ip-1 paj. 159 par. 6-mwbr; w23.06 paj. 15 par. 5).
Tukʼ ta xchapanvan xchiʼuk oy xkʼuxul yoʼonton (Is 11:3 xchaʼvokʼal-5; ip-1 paj. 160 par. 9; paj. 161 par. 11-mwbr).
SVENTA XANOPBE SKʼOPLAL: ¿Kʼu yuʼun mu xkoʼolaj xchiʼuk li ajvaliletik ta balumil li Jesuse?
2. Jsaʼtik lek li kʼusitik kʼupil sba ta Vivliae
(10 min.)
Is 11:9, 10. Jech kʼuchaʼal chal li versikuloetike, ¿kʼu yelan chichʼ akʼel li chanubtasel ti muʼyuk jech ilbil-oe? (w22.09 paj. 20 par. 2).
¿Kʼusitik kʼupilik sba la ata li ta xchanel Vivlia avi xemanae?
3. Skʼelel Vivlia
(4 min.) Is 11:1-12 (th xchanobil 11).
4. Kʼuxi xuʼ xalikes aloʼil
(3 min.) TA JUJUPʼEJ NA. (lmd xchanobil 2 punto 5).
5. Kʼuxi xuʼ xapas arevisita
(4 min.) CHOLMANTAL TI BU OY EP KRIXCHANOETIKE. Kʼalal oy kʼusi tsjakʼbot li jun krixchanoe, tuneso li pajina ta internet jw.org sventa xa takʼe (lmd xchanobil 8 punto 3).
6. Koltao sventa x-och ta mantal
(5 min.) Koltao avaj-estudio sventa snaʼ kʼuxi xuʼ xchol mantal ta naetik (lmd xchanobil 11 punto 4).
Kʼejoj 57
7. ¿Mi lek tukʼ jnaʼ xijchapanvan?
(15 min.) Mantal ti xuʼ xichʼ jakʼele.
Skotol kʼakʼal oy kʼusi ta jnoptik ta stojolal li yantike, bateltike mu xkakʼtik venta kʼalal jech ta jpastike. Xuʼ van nopem xkaʼitik ti anil kʼusi chlik jnoptik ta stojolal yantik ta skoj li kʼusi chkil ta jsatike. Pe li Jesuse jelel ti kʼu yelan snaʼ xchapanvane, jaʼ yuʼun lek ti jchanbetike (Is 11:3, 4). Li stuke xil li kʼusi oy ta koʼontontik ta jujuntale, snaʼoj ti kʼu yelan chkaʼi jbatike, ti kʼusi ta jnoptike xchiʼuk ti kʼu yuʼun jech ta jpastike. Akʼo mi mu spas kuʼuntik jech kʼuchaʼal li stuke, pe xuʼ xkakʼ kipaltik sventa jchanbetik stalelal li Jesuse, jaʼ yuʼun xi laj yale: «Maʼuk xachapanvanik-o ta skoj li kʼusi chavil ta asat atukike, jaʼ lek tukʼ xachapanvanik» (Jn 7:24).
Mi jaʼ noʼox ta jtsaktik ta venta li kʼusi chkil ta jsatike, muʼyuk xa mas xijmuyubaj li ta cholmantale xchiʼuk muʼyuk xa mas baxbolutik. Jech kʼuchaʼal liʼe, ¿mi vokol chkaʼitik chbat jcholbetik mantal li krixchanoetik ti yan-o stsʼunbalik o ti yan-o srelijionike? ¿Mi vokol chkaʼitik xcholbel mantal li buchʼutik jkʼulejik o li buchʼutik abol noʼox sbaike? Ta skoj ti kʼu yelan xvinaj spat xokon li jun krixchanoe, ¿mi ta jnoptik ta anil ti muʼyuk chchikinta li mantale? Pe «li kʼusi tskʼan yoʼonton li Diose jaʼ ti akʼo koluk skotol li krixchanoetike xchiʼuk ti akʼo yojtikinik lek li kʼusi melele» (1Ti 2:4).
Akʼo ta ilel li VIDEO Li kʼusi chakʼ jchantik Li Jkʼel-osil ta toyole: Mu chopoluk kʼusi jnoptik ta skoj li kʼusi chil noʼox jsatike. Mantal ti xuʼ xichʼ jakʼele:
Jech kʼuchaʼal la jkiltik li ta videoe, ¿kʼu yuʼun xuʼ xlik jpʼaj jbatik?
Mi tʼujbil noʼox buchʼu lek chkiltik li ta tsobobbaile, ¿kʼusi van xuʼ xkʼot ta pasel?
¿Kʼusi koltaatik-o li ermanoetik sventa mu chopoluk kʼusi snopik ta stojolal yantik ta skoj li kʼusi chil noʼox ta satike?
¿Kʼusi chakʼ achan ek li jun xchanobil ta sventa Li Jkʼel-osil ta toyole?
8. Xchanel Vivlia ta tsobobbail
(30 min.) lfb xchanobil 46, 47.