¡Tstsal kuʼuntik li pʼajbaile!

Mi muʼyuk bu jech anuptanoje, xuʼ van aviloj ti jech kʼotem ta stojolal yantike. Li ta notisiaetike te chvinaj ti oy buchʼutik chichʼik pʼajel ta skoj stsʼunbalik, slumalik o ta skoj ti lek chilik li xchiʼilik ta vinikal o ta antsile. Jaʼ yuʼun, li ajvaliletike yakʼojik mantal ti xichʼik kastigo li buchʼu chpʼajvanike.

Li buchʼu chichʼ pʼajele tspak sutel li kʼusi chopol tspasbate. Vaʼun, jech˗o tskontrain sbaik.

Yikʼaluk van oy kʼusi chopol snopojik ta atojolal, la slabanoxuk, la xchopol kʼoptaoxuk o laj yalboxuk ti oy kʼusi chavichʼ pasbele. Pe oy to kʼusitik chopol xuʼ spas li buchʼu chpʼajvane. Xuʼ van muʼyuk xa xkʼuxul yoʼonton chilbajin li buchʼu tspʼaje, oy kʼusi chopol tspasbe, tsmaj, tstsatsal tsak o tsmil.

Li revista liʼe chal kʼuxi xuʼ jtsaltik li pʼajbaile xchiʼuk tstakʼ li sjakʼobiltak liʼe:

• ¿Kʼu yuʼun ti oy tajek pʼajbaile?

• ¿Kʼuxi xuʼ jtsaltik li pʼajbaile?

• ¿Mi chlaj van skʼoplal li pʼajbaile?