¿Kʼu yelan lek chapanbil li tsobobbailetik yuʼun stestigotak Jeovae?

Li jtsop moletike jaʼ tskʼelik li jujun tsobobbailetike. Li tsobobbailetike chʼakbilik ta jujun sirkuitoetik. Li jun jkʼelvanej ta sirkuitoe jaʼ sbainoj skʼelel te van 20 tsobobbailetik.

Li ta smeʼ nail abtelal ta Warwick (Nueva York) yuʼun stestigotak Jeovae. Oy jtsop viniketik ti jaʼ chakʼbeik li kʼusi chtun yuʼunik ta mantal li tsobobbailetik ta spʼejel balumile. Taje jaʼik li Jtsop Jbeiltasvanej ti jal xa tunemik talel ta stojolal Jeovae (Echos 15:23-29; 1 Timoteo 3:1-7).