Kʼux tajek kʼalal oy buchʼu chcham kuʼuntike

«39 xa ox jabil kikʼoj jbakutik kʼalal cham li Sofíaea ti jal xa ox tajek yipajele. La skoltaikun tajek li kamigotake xchiʼuk laj kakʼ ta koʼonton spasel yan kʼusitik. Pe jun jabil ti mu xa noʼox x-echʼ chkaʼi xkʼuxule, mu xa noʼox stakʼ aʼiel kʼusi ta jpas bakʼintik. Li avie akʼo mi oy xa ta oxib jabil xchamel li jchiʼile, bateltike ta anil chlik kat koʼonton» (Kostas).

¿Mi oy buchʼu chamem avuʼun? Mi jaʼ jeche, jaʼ van jech chavaʼi aba kʼuchaʼal li Kostase. Toj echʼ xa noʼox kʼux kʼalal chcham jnup jchiʼiltike, junuk kutsʼ kalaltik o kamigotike. Taje jaʼ jech chalik li buchʼutik xchanojbeik skʼoplale. Xi chal jlik revista The American Journal of Psychiatry: «Kʼalal oy buchʼu chchame, mu xchʼay-o ta joltik xchiʼuk mu x-echʼ li xkʼuxule». Kalal jaʼo jech ta jnuptantike, xuʼ van xi xkaltike: «¿Kʼu to sjalil ti jech chkaʼi jbae? ¿Mi xuʼ to ximuyubaj yan velta? ¿Bu xuʼ jta spatobil koʼonton?».

Li ta revista liʼe jaʼ chchapbe smelolal. Li ta mantal chtale chal kʼusi van yakal chanuptan mi jaʼtik to oy buchʼu cham avuʼune. Li ta yantik chtale te chal kʼusitik xuʼ xapas sventa stsal avuʼun li me’inale o at˗oʼontone.

Li revista liʼe laj yichʼ pasel sventa spatbe yoʼonton xchiʼuk skolta li buchʼu chamem junuk yutsʼ yalal o junuk yamigoe.