¿Kʼusi skʼan xa pas?

50 ¿Mi cha kʼan cha naki sbatel osil ta alakʼ sba paraisoe?

Vaʼun chaʼa, chano batel ep ta sventa li kʼusi chal ti Diose. Akʼbo yipal ta xchanel skʼelel li Vivliae (Juan 17:3; Apocalipsis 1:3).

51 Chano ep ta sventa Jesus (Deuteronomio 18:18, 19; Juan 3:16; Hechos 3:19-23).

52 Akʼbo yipal ta spasel li kʼusitik leke, xchiʼuk chʼunbo smantal ti Jeovae (Romanos 6:17, 18, 22).

53 Vuleso ta ajol, Jeova ta xal ti mu stakʼ jmiltik li krixchanoetike (Éxodo 20:13; 1 Juan 3:11, 12).

54 Mu stakʼ jtsaktik batel li kʼusi jaʼ yuʼun yan krixchanoe (Éxodo 20:15; Efesios 4:28).

55 Mi junuk vinik stakʼ xnaki xchiʼuk jun ants xchiʼuk mu stakʼ xchiʼin ta vayel ti mi maʼuk yajnile (Éxodo 20:14, 17; 1 Tesalonicenses 4:3).

56 ¿Mi xvul to ta ajol jayvoʼ yajnil albat yuʼun Dios xuʼ oyuk yuʼun li malalile? ¿Kʼu sjalil skʼan nupultsʼakal li malalil xchiʼuk yajnile? (Génesis 2:22, 24; Mateo 19:5, 6; 1 Corintios 7:2, 10, 11.)

57 Vuleso ta ajol xtok, ti jaʼ noʼox skʼan jmuyubtatik ti Jeovae (Mateo 4:10; 1 Corintios 8:6).

58 Li santoetik xchiʼuk li lokʼoletike mu xuʼ skoltautik. ¿Kʼu yuʼun? (1 Corintios 8:4).

¿Mi lek ti oy kuʼuntik li santoetike? (Deuteronomio 27:15; 1 Juan 5:21.)

59 ¿Kʼu yuʼun chopol ta pasel li mukbil chamel xchiʼuk li metsʼultaele? (Deuteronomio 18:10-13; Apocalipsis 21:8.)

60 Li chopol anjeletik, jaʼ xkaltik, li pukujetike la stoy sbaik ta stojolal Dios. Li pukujetike tstunes jtʼunvanejetik, liʼe jaʼ li buchʼutik snaʼ snopik kʼusi chkʼot ta pasele, sventa tsloʼla li krixchanoetike (Hechos 16:16).

61 Skʼan jpastik orasion ta stojolal Dios. Li orasione jaʼ smelolal skʼoponel Dios, chkalbetik ti ta jkʼan chi jtunutik ta stojolale, xchiʼuk ta jkʼanbetik li skoltaele (Filipenses 4:6, 7).

62 Skʼan jchʼunbetik ti Jesuse xchiʼuk skʼan chkakʼ xchʼunel koʼontontik ta stojolal (Hebreos 5:9; Juan 3:16).

63 Vuleso ta ajol ti cham sventa tspojutike (Romanos 5:8).

64 Vuleso ta ajol ti Jesuse jaʼ Rey kuʼuntik ti mu xvinaj ta kʼelele. Skʼan ta jchʼunbetik smantal (Filipenses 2:9-11; Apocalipsis 19:16).

65 Jesus la jyal ti skʼan la cha valbe yantik li kʼusitik lek yakal cha chane xchiʼuk la li buchʼu tskʼan chtun ta Diose skʼan chichʼ voʼ (Mateo 28:19, 20; Juan 4:7-15).

66 Jaʼ yuʼun, voʼote xuʼ cha valbe avamikotak li kʼusitik lek liʼe (Mateo 10:32).

67 Mi la chan lek skʼelel vune, ep to kʼusitik cha chan xchiʼuk xuʼ lek cha kolta yantik (2 Timoteo 2:15).

68 Jech xtok, Jesus la xchanubtas li uni ololetik sventa akʼo xchʼunbeik smantal ti Diose. Yuʼun xokol onoʼox sventa ta skʼoponan (Mateo 19:13-15).

69 Li totil-meʼiletike skʼan onoʼox xchanubtasik li yalab xnichʼnabike sventa akʼo skʼanik xchiʼuk xchʼunbeik smantal ti Diose (Deuteronomio 6:6, 7; Proverbios 6:20-22; Efesios 6:4).

70 Oy ep relijionetik. Ep li chanubtasel yuʼunike muʼyuk lokʼemik ta Vivlia. Jeova ta xal ti lokʼukutik ta relijionetik ti bu mu xchanubtas li melele (Apocalipsis 18:4; Juan 4:23, 24).

71 Ti Jeovae oy krixchanoetik yuʼun li ta Balumil ti xuʼ xchanubtasot ta stojolale. ¿Mi xa naʼ buchʼutik? (Hechos 15:14; Romanos 10:14, 15.)

72 Jaʼ li xrextikotak Jeova. Leʼike oy lekilal yuʼunik ta komon. ¿Mi xa naʼ kʼu yuʼun? Yuʼun jaʼ ti tskʼanilan sbaik ta jujuntale (Isaías 43:10-12; Juan 13:34, 35).

73 Yichʼojanik xa voʼ, yuʼun skʼanojik ti Jeovae. Jaʼ jech chakʼik ta ilel ta yantik ti la xa yiktaik li chopol stalel xkuxlejalike xchiʼuk ti tskʼan chakʼ sjunul xkuxlejalik ta spasulanel yabtel ti Diose (Hechos 2:41).

74 Smalaojik chnakiik ta alakʼ sba achʼ paraiso li xrextikotak Jeovae (Salmo 37:9-11, 29).

Sventa cha naki xchiʼukike, ¿kʼusi xuʼ cha pas? (Santiago 1:22, 25; 2:20-26.)

75 Te xchiʼukik chano spasel yabtel Jeova. Leʼike skʼanojik xchiʼuk chchʼunbeik smantal Jeova xchiʼuk Kristo Jesus. ¿Mi akʼanojan ek? ¿Mi cha kʼan cha kolta yantik sventa chojtikinik ti Diose? (Juan 6:45-47.)

76 Jeova xchiʼuk Kristo Jesus skʼanojot xchiʼuk tskʼan ti cha naki sbatel osil te ta paraiso (Juan 3:16).

Li kʼusi la achan kʼalal la vil li kʼusitik lokʼtabil xchiʼuk la vaʼi li loʼiletik liʼ ta foyetoe, ¿mi la stij avoʼonton sventa cha kʼupin li kuxlejal sbatel osil ta Balumile? Mi cha kʼan cha chan ep ta sventa liʼe, chkalkutik avaʼi, kʼopono junuk xrextiko Jeova te ta alumale. O xuʼ cha tsʼibaj, mi mu xa naʼ xa tsʼibaje akʼo skoltaot buchʼu snaʼe, sventa cha tak batel ta snail tsʼibajom yuʼun xrextikotak Jeova ti bu mas nopol nakalote, ta xchaʼ kʼololkʼol foyeto liʼe te tsʼibabil tal sbi li lumetik bu stakʼ xa tsʼibaj batele.