XCHANLAJUNVOKʼAL

¿Kʼuxi xuʼ xavakʼ ta ilel ti tukʼ avakʼoj aba ta stojolal Jeovae?

Napʼano aba ta stojolal Dios (1 Pedro 5:6-9).

Jun yajtsʼaklom Kristo ti mu skʼan stikʼ sba ta jecheʼ relijion xchiʼuk ta politikae

Mu me xatikʼ aba ta spasel li kʼusitik nopem xaʼiik spasel krixchanoetik ti chal Vivlia ti muʼyuk leke. Sventa spas avuʼun taje, skʼan tsotsuk avoʼonton.

Mu xatikʼ aba ta politika, jaʼ noʼox tukʼ xavakʼ aba ta stojolal Jeova xchiʼuk li Ajvalilal yuʼune.

Kʼalal ta jchikintabetik li Diose, jaʼ li kʼusi mas toj lek xuʼ jpastike (Mateo 7:24, 25).

Jun vinik ti chkʼot ta tsobajel ta salon sventa tsobobbaile; chchan Vivlia xchiʼuk jun stestigo Jeova

Batan li ta stsobajelik stestigotak Jeovae; jaʼ tskoltaikot sventa xavojtikin mas li Diose.

Jech-o xachanbe batel skʼoplal li Diose xchiʼuk akʼbo yipal ta xchʼunbel li smantaltake.

Jun vinik tspas orasion sventa chakʼ sba ta stojolal Jeova xchiʼuk chichʼ voʼ

Mi tsots xa ox li xchʼunel avoʼontone, skʼan xavakʼ akuxlejal ta stojolal Jeova xchiʼuk xavichʼ voʼ (Mateo 28:19).

Chikintao kʼusi chal Dios. Kʼelo li Vivliae xchiʼuk albo stestigotak Jeova ti skoltaikot ta yaʼibel lek smelolale. Akʼo ta akuxlejal li kʼusitik chachane. Mi jech chapase, chakuxi sbatel osil (Salmo 37:29).