¿Kʼusi chanop ta sventa li kʼusi chtal ta tsʼakale?
Li balumile...
... ¿mi jech-o van chbat?
... ¿mi mas van tsok batel?
... ¿mi mas van chlekub batel?
LI KʼUSI CHAL LI VIVLIAE
«Li Diose ta scusbe loqʼuel scotol yaʼlel satic, jech muʼyuc xa bochʼo chcham, muʼyuc xa bochʼo chat yoʼnton, muʼyuc xa bochʼo ch-ocʼ, muʼyuc xa bochʼo cʼusi cʼux chaʼay. Yuʼun ilaj xa scʼoplal scotol ti jech toʼox oy ta baʼyuque.» (Apocalipsis 21:3, 4, Scʼop Dios ta Chenalhó.)
TI KʼUXI TA JTABETIK SBALIL KʼALAL TA JNAʼTIKE
Xijmuyubaj noʼox chij-abtej xchiʼuk chkilbetik sbalil (Isaías 65:21-23).
Muʼyuk xa chij-ipaj xchiʼuk muʼyuk xa chkil jvokoltik (Isaías 25:8; 33:24).
Chijmuyubaj xchiʼuk kutsʼ kalaltik xchiʼuk kamigotaktik ta sbatel osil (Salmo 37:11, 29).
¿MI OY SRASONALTAK SVENTA JCHʼUNTIK TA MELEL LI KʼUSI CHAL VIVLIAE?
Oy, oy chib srasonaltak:
Li Diose oy sjuʼel sventa xakʼ kʼotuk ta pasel li kʼusi yaloj tspas liʼe. Li ta Vivliae chal ti jaʼ noʼox stuk Dios ti buchʼu «toj echʼem [svuʼele]», yuʼun muʼyuk spajeb li sjuʼele (Apocalipsis 15:3). Jaʼ yuʼun kʼalaluk chal ti tslekubtas li Balumile, xuʼ jchʼuntik ta melel ti jech onoʼox tspase. Jech kʼuchaʼal chal li Vivliae, «li Diose scotol xuʼ yuʼun tspas» (Mateo 19:26).
Li Diose oy ta yoʼonton chakʼ kʼotuk ta pasel li kʼusi yaloj tspas liʼe. Jech kʼuchaʼal liʼe, li Jeovae oy ta yoʼonton chchaʼkuxes li buchʼutik chamemike (Job 14:14, 15).
Li Vivlia xtoke chal ti Xnichʼon Diose la xpoxtaan li buchʼutik ipike. ¿Kuʼ yuʼun jech la spas? Yuʼun jaʼ li kʼusi oy onoʼox ta yoʼontone (Marcos 1:40, 41). Li kʼusitik la spas li Jesuse jaʼ chakʼ ta ilel lek ti Stote oy ta yoʼonton tskʼan tskolta li buchʼutik tskʼanik koltaele (Juan 5:19).
Li kʼusitik la jchantike jaʼ chakʼ jchʼuntik ti tskʼan ti xijmuyubajutik ta tsʼakal li Jeovae xchiʼuk li Jesuse (Salmo 72:12-14; 145:16; 2 Pedro 3:9).