Slikeb loʼil ta svakvokʼal

Li j-israeletike kʼotik li ta Albil Balumile xchiʼuk te lik yichʼik ta mukʼ Jeova li ta axibalnae. Li paleetike jaʼ li buchʼu ta xchanubtasvanik ta Mantale, yan li jchapanvanejetike jaʼ ta sbeiltasik li jteklume. Li jvokʼ xchanobil liʼe, chakʼbutik ta ilel ti xuʼ oy kʼusi xkʼot ta pasel ta stojolal yantik ta skoj li kʼusi tsnop tspas jun krixchanoe o ta skoj li stalelale. Li jujun j-israele oy kʼusi sbainoj tspas ta stojolal Jeova xchiʼuk ta stojolal li xchiʼiltakike. Albo skʼoplal kʼusi kʼot ta pasel ta slumalik ta skoj stalelalik li jujun yajtunel Dios liʼe: Debora, Noemi, Josue, Ana, Samuel xchiʼuk stseb Jefte. Jech xtok, albo skʼoplal ti buchʼutik maʼuk j-israeletik jech kʼuchaʼal Raab, Rut, Jael xchiʼuk li jgabaonetike, yuʼun lik xchiʼinik li j-israeletik ta skoj ti snaʼojik ti te chiʼinbilik yuʼun Diose.