Slikeb loʼil ta xvaxakvokʼal

Li Jeovae laj yakʼbe epal bendision li Salomone, yuʼun akʼbat spʼijil xchiʼuk akʼbat ti akʼo svaʼan li temploe. Akʼo mi jech, kʼunkʼun namaj ta stojolal Jeova li Salomone. Jaʼ yuʼun, mi oy avalab anichʼnabe, koltao ta yaʼibel smelolal ti jaʼ namajesat ta stojolal Jeova li buchʼutik muʼyuk chichʼik ta mukʼ Jeovae. Ta skoj taje, la xchʼak sba li ajvalilale xchiʼuk oy ajvaliletik ti toj chopolik echʼike, yuʼun la stijbeik yoʼonton krixchanoetik ti akʼo svalopatinik mantale xchiʼuk ti akʼo xlik yichʼik ta mukʼ li jecheʼ diosetike. Ti kʼu sjalil taje, li yaj-alkʼoptak Jeovae laj yichʼik nutsel xchiʼuk laj yichʼik milel. Jech xtok, li meʼ ajvalil Jesabele la stijbe yoʼonton li lajuneb nitilulal yuʼun Israel sventa xichʼik ta mukʼ yan diosetike. Ti kʼu sjalil taje, toj vokol li xkuxlejalike. Akʼo mi jech, oy to ep j-israeletik ti tukʼ tunik ta stojolal li Jeovae, jech kʼuchaʼal li ajvalil Jeosafat xchiʼuk li j-alkʼop Eliase.